Luís Bará advirte do “claro conflito de intereses” que supón que Lorenzana sexa ao mesmo tempo conselleira de Industria e presidenta da sociedade
Santiago de Compostela, 10 de febreiro. O viceportavoz parlamentario do BNG, Luís Bará, reclamou ao presidente da Xunta, Alfonso Rueda, que “desclasifique” os “papeis ocultos” de Altri e dea a coñecer de maneira inmediata, , o contido do “acordo secreto” asinado pola pasteira portuguesa e a Sociedade Impulsa en outubro de 2021, porque os galegos e as galegas teñen dereito a coñecer a verdade.
Para facer fronte aos “intereses por terxiversar a realidade”, Bará subliñou que o pacto entre a Xunta —maioritaria na Sociedade Impulsa— e a pasteira é coñecido porque a propia empresa informou del ao seu consello de administración e á comisión nacional de valores de Portugal. Porén, advertiu, descoñécese o seu contido e os detalles do acordo.
É por todo isto que o BNG vén de rexistrar unha iniciativa para reclamar de novo, pola vía do artigo 9 do Regulamento, que a Xunta, ademais dos compromisos adquiridos nese acordo, faga pública toda a documentación sobre o concurso internacional da Sociedade Impulsa polo que foi seleccionado o proxecto industrial de Altri, así como os acordos asinados ata a declaración do proxecto industrial estratéxico e as comunicacións entre Impulsa e a Consellería de Industria en relación á megacelulosa que se pretende instalar en Palas de Rei.
“Hai moitas sombras e moitas sospeitas arredor da tramitación do proxecto”, asegurou o deputado nacionalista, que censurou a “falta de transparencia e a ocultación” de información por parte do Executivo do PP, ao que o BNG xa lle pediu documentación en ocasións anteriores sen obter máis que “evasivas”.
Bará advertiu, por outra banda, do “claro conflito de intereses” e de “incompatibilidade” que supón que María Jesús Lorenzana sexa ao mesmo tempo conselleira de Industria e presidenta da Sociedade Impulsa, na que a Xunta ostenta un 40 % de accións, Abanca un 38 %, Sogama un 10 % e Reganosa, un 12 %. Nestas dúas últimas a Xunta tamén ten participación, apuntou.
“A mesma persoa que estableceu os acordos ocultos con Altri é a persoa que ten que tramitar no Consello da Xunta a aprobación do Proxecto Industrial Estratéxico, afondou o viceportavoz do BNG para denunciar que “hai un intercambio de información claro e evidente” e que mesmo “podería haber un caso de tráfico de influencias”.
Subliñou, así mesmo, as “modificacións legais” que a Xunta do PP aprobou desde que se asinou o acordo de 2021 até a declaración do proxecto como industrial estratéxico, cambios na normativa do solo, ambiental ou de ordenación do territorio “que parecen feitos a medida de Altri”.
A través da Lei de Acompañamento de 2024, foi tamén modificada, engadiu Bará, a lexislación en materia de política industrial para que Altri “poida recuperar todo o investimento no caso de que o proxecto non saia adiante”. Segundo as modificacións feitas, a compañía lusa tamén será indemnizada con ata medio millón de euros se o proxecto de avaliación ambiental non se tramita no praza de un ano. “Todo isto parécenos extremadamente grave”, considerou.
En resposta a preguntas dos xornalistas, o deputado do Bloque considerou “un exemplo máis de información privilexiada e de que hai unha canle de comunicación aberta ao máis alto nivel entre Xunta e Altri” as declaracións feitas hai uns días por un alto directivo de Altri nas que daba por feito que a macrocelulosa terá autorización ambiental en marzo e autorización ambiental integrada en xuño, “poida que para celebrar o Día Mundial do Medio Ambiente”, ironizou.
“Todas as administracións do PP están nunha batalla por terra, mar e aire” para apoiar un proxecto contra o que se teñen manifestado miles de galegos e galegas. “O PP pode facer presión, chantaxear e levar o asunto a todos os parlamentos e a todas as institución, pero os que se opoñen á macrocelulosa, os que nos opoñemos, parece que somos delincuentes”, concluíu.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
