O ente público remata así os trámites da súa competencia nos peiraos incluídos na primeira fase do procedemento de devolución á Administración Xeral do Estado da titularidade de solo que rexistra uso público veciñal para que se transfira, no seu caso, aos Concellos
Santiago de Compostela, 6 de febreiro de 2025. O Consello Reitor de Portos de Galicia aprobou esta mañá a declaración de innecesariedade de terreos portuarios que non rexistran actividade portuaria en oito municipios. Esta declaración establece as bases para a súa reversión á Administración Xeral do Estado de xeito que esta poida transferilos aos concellos interesados en asumir a titularidade deste solo de uso público veciñal.
Esta declaración de innecesariedade afecta a terreos dos municipios de Foz, Ponteceso, A Pobra do Caramiñal, Cambados, Vilanova de Arousa, Bueu, Cangas e A Guarda. Para delimitar o solo susceptible de reverter no Estado, Portos de Galicia celebrou reunións con todos os alcaldes dos concellos afectados a fin de acordar a proposta en base a criterios estritamente técnicos que foron ademais consensuados coa Fegamp.
Con esta declaración de innecesariedade Portos de Galicia remata os trámites da súa competencia dentro do procedemento de reversión dos terreos incluídos na primeira fase, que inclúen, ademais dos declarados hoxe innecesarios, o porto de Santa Cruz, en Oleiros, na súa totalidade, que xa cumprimentara este trámite con anterioridade. A proposta conxunta de reversión de terreos nos nove portos trasladarase agora á Consellería de Facenda, que, tras a súa análise patrimonial, a elevará ao Consello da Xunta. Unha vez aprobada polo Executivo galego, remitirase ao Goberno central para a súa tramitación e, no seu caso, aprobación final en Consello de Ministros.
DEUP de Viveiro
O Consello Reitor de Portos de Galicia aprobou tamén hoxe a modificación do documento de Delimitación de Espazos e Usos Portuarios dos portos de Viveiro. Esta ferramenta permite planificar a distribución do solo portuario en función da súa actividade, de cara a un crecemento ordenado do porto. A modificación da DEUP actualiza os usos do solo e clarifica definitivamente a zona de servizo do porto con respecto ao deslinde do dominio público. Deste xeito queda documentado que a Ponte da Misericordia e a rampla anexa non pertencen ao dominio público portuario.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
