Alfoz, 6 de febreiro, 2025. O equipo de fútbol Club Deportivo Alfoz fundouse no ano 1981, de modo que no ano 2021 cumpriu 40 anos de historia. Nesas datas organizouse unha iniciativa de gravar un documental con testemuños dos protagonistas (xogadores, directivos, adestradores, afeccionados…), para lembrar esta institución que reuniu como nunca a un pobo arredor do deporte do fútbol.
O equipo tivo unha época moi gloriosa nos anos 80 e principios dos 90 do século XX, época na que se mantivo na elite do fútbol galego a nivel rexional, sendo un pobo (naquela época) de pouco máis de 2.000 habitantes. Militou unhas cantas temporadas en Primeira Rexional e, incluso, clasificouse nos primeiros postos da liga, estando a piques de xogar a promoción a 3ª División. Do Alfoz saíron grandes xogadores, como Carlos Mandiá, que chegou a xogar no Real Madrid e en varios equipos de 1ª División e que agora segue vinculado ao fútbol como adestrador en equipos de primeira liña; ou Rubén Maseda e Gervasio Geada, que xogaron no Club Deportivo Lugo.
Este vindeiro domingo, día 9 de febreiro de 2024, a partir edas 17,00 horas, proxectarase a primeira parte do extenso documental sobre o Club Deportivo Alfoz (en total son 5 horas de duración no filme) no Salón de Actos da Casa da Cultura do concello. Envíovos cartel conmemorativo do evento, deseñado polo artista local Pepe Blanco.
Polo espazo radiofónico, de 12 a 14 horas, Félix Jorquera falou coa directora do IES de Foz, Leticia Maseda; co coordinador do evento, José Ríos; con Patricia Díaz, que é alumna de 2º de Servizos de Ciclo Medio e concursante no XIII Campionato de Catas de Café; e con Alejandro Rodríguez e Luis López, responsables do tostadeiro Coffee Urban. O XVIII Campionato Internacional de Baristas e o XIII Campionato Internacional de Catas de Café seguen no IES de Foz ata o venres.
Na súa confección colaborou Óptima Cultura. A presentación será este venres, 27 de febreiro, ás 11.30 na propia Catedral.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
Coincidindo co aniversario do nacemento de Rosalía e da morte de Cunqueiro, o restaurante ribadense ofrece unha versión do Caldo de Gloria e dous pratos inspirados na obra gastronómica do mindoniense —empanada e ostras en escabeche— como forma de achegar a literatura galega á mesa.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
