O portavoz do PP de Burela asegura que “no último pleno quedou de manifesto este proceder da señora López Moreno neste mandato”
Burela, 3 de febreiro de 2025. O portavoz do PP de Burela, Manuel Rouco, sinala “a falta de transparencia, a falta de regulamentación específica e a falta de respecto aos informes dos técnicos municipais que non apoien o que di a alcaldesa” como “tres das liñas mestras da política que leva desenvolvendo a señora López Moreno neste mandato. Así quedou de manifesto tamén no último pleno”, engade.
O popular lembra que, “como levamos denunciando dende o comezo do mandato, non se actualizou o portal de transparencia do Concello onde figuran as actas dos plenos e xuntas de goberno para que calquera veciño ou veciña poida coñecer o que se aproba ou deixa de aprobar no Concello”.
Rouco incide tamén en que “se demostrou ben ás claras no propio Pleno a actitude da rexedora en relación á súa postura sobre a regulamentación do teletraballo no propio Concello”. O Grupo Municipal Popular facía unha proposta para evitar tratos diferenciados entre os traballadores -con posibles privilexios para uns e cargas para outros- e a alcaldesa socialista presentaba unha emenda e votaba en contra alegando que “ela mesma é a responsable dos recursos humanos do Concello e decide quen pode e quen non pode teletraballar”, segundo subliña o popular.
A iniciativa do Partido Popular, que foi aprobada, pretendía tamén que “os propios veciños e veciñas puidesen estar informados de que días e a que horas poderían dirixirse a determinadas áreas do Concello para facer as súas consultas”.
REPAROS EN FACTURAS POR 170.000 EUROS
O popular afea, por outra banda, que “a señora López Moreno non admita que ninguén lle leve a contraria, nin sequera os técnicos municipais aos que di respectar”. Así o manifesta despois de que “a alcaldesa firmara a comezos de xaneiro un decretazo para levantar os múltiples reparos que contiña o informe de Intervención emitido a finais do ano 2024 para pagar facturas do Concello que, no seu conxunto, ascendían a máis de 170.000 €”. Neste caso, “como non lle conviña, contradixo aos técnicos especialistas na materia”.
A primeira sesión, de 11:00 a 12:30 h, contará cun autor asturiano destacado polo seu traballo arredor do mundo rural e da cultura campesiña. A actividade é aberta, participativa e gratuíta ata completar aforo.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Na presentación participaron o delegado territorial da Xunta, Javier Arias; o Deputado de Cooperación e Asistencia aos Concellos, Xosé María Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
