Burela, 18 de marzo de 2025. O Concello de Burela un ano máis a carreira Enduro Monte Castelo. A V edición do evento marcará un fito na súa historia ao pasar a formar parte da Copa de España de Enduro, converténdose nunha proba de ámbito estatal. Está organizada polo Club Ciclista Cerezo Bikes co apoio do Concello, a Deputación e o comercio local.
Un dos aspectos máis destacados desta proba é a súa combinación de enduro de montaña con descenso urbano, sendo pioneira en España nesta modalidade. Este percorrido non só supón un incentivo extra para os corredores, senón que también se converte nun gran atractivo para o público.
Deste xeito, demais dos catro tramos cronometrados no monte, haberá un quinto tramo completamente urbano que discorrerá polas rúas de Burela, transformando a vila nun circuíto con grandes estruturas de madeira.
O programa do evento comezará o sábado 12 de abril cunha xornada de adestramentos do tramo urbano, permitindo aos asistentes gozar dun adianto do que será a competición. Pola noite, a Praza do Concello acollerá un concerto do grupo Louband, engadindo un toque festivo á fin de semana. A carreira oficial disputarase o domingo 13 ao longo de toda a mañá.
A alcaldesa de Burela, Carmela López, quixo destacar a importancia deste evento para a localidade: “O Enduro Monte Castelo non só coloca a Burela no panorama deportivo nacional, senón que xera un impacto positivo no comercio e na hostalería local”.
“Ademais, quero salientar a implicación do Club Ciclista Cerezo Bikes e dos seus integrantes, que traballan durante todo o ano para manter o monte limpo e coidado, facendo de Burela un lugar idóneo para a práctica desta modalidade deportiva”, engadiu a rexedora.
“Con esta iniciativa, Burela consolídase como un referente para o deporte e o turismo deportivo, ofrecendo un evento de primeiro nivel que combina a paixón polo ciclismo coa dinamización da vila”, concluíu a rexedora.
Pola súa banda, o presidente de Cerezo Bikes, Jaime Seijas, sinalou que dende o club están “moi orgullosos de organizar o V Enduro Monte Castelo, o primeiro evento en España que combina un enduro en montaña con un descenso urbano”.
“Agardamos unha gran afluencia de público e participantes, facendo desta edición un auténtico espectáculo deportivo”, sinalou o presidente do club.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
