Viveiro, 21 de marzo de 2025. Hoxe continuou en Viveiro, no IES María Sarmiento, o ciclo de charlas da FCAM sobre o futuro laboral na Mariña lucense. Están destinadas aos estudantes de FP aos que lles queren insistir en que “aquí hai futuro, que hai moita demanda de man de obra por parte das empresas, e que tamén nesta comarca é posible emprender”.
Máis de 100 alumnas e alumnos do IES María Sarmiento asistiron á charla, que tivo lugar no propio centro. Pertencían aos ciclos básicos de servizos administrativos e mantemento de vehículos; aos ciclos de grao medio de xestión administrativa, instalacións eléctricas e automáticas, soldadura e calderaría e electromecánica de vehículos automóbiles; e aos ciclos de grao superior de administración e finanzas, sistemas electrotécnicos e automatizados e automoción. Na cita participaron Iván Marrube, CEO e Reyco; Alberto García, un dos fundadores de Signo Creaciones, e Andrés Basanta, responsable comercial de EVMetal y EVConfort (Electromecánicos Viveiro).
Os tres conferenciantes incidiron en que A Mariña é unha comarca con moitas potencialidades e que os salarios e os traballos que aquí se poden atopar reúnen as mesmas condicións que os empregos aos que se pode acceder en grandes cidades. E recalcaron que as oportunidades hai que saír buscalas. Iván Marrube comentoulles que “o futuro da Mariña está en todos vosoutros. Vós seredes os futuros empregados e empresarios desta comarca”. Alberto García dixo que “moitas empresas pequenas fan unha grande empresa, como acontece na Mariña, onde entre todas sumamos miles de postos de traballo na comarca”. E Andrés Basanta sinalou que “é preciso esforzarse e aportar, xa que hai moitas oportunidades de traballo e de negocio na Mariña”. Os tres relataron a súa aposta por asentarse nesta comarca.
A vicepresidenta da FCAM, Becky Hermida, encargada de conducir a charla agradeceu a posibilidade de falar ante o alumnados dos IES María Sarmiento o futuro laboral na Mariña lucense: “grazas pola vosa asistencia e por permitirnos achegar este ciclo de charlas aquí a Viveiro. Grazas ao vicedirector do centro, Javier Lebón, pola súa colaboración, e grazas a Óscar Pita e a Beatriz Trigo, dinamizadores da relación con empresas na FP polo seu traballo e implicación”.
As charlas de FCAM seguirán nos vindeiros meses pola Mariña luguesa achegando as experiencias de vida profesionais e persoais d@s conferenciantes ao alumnado dos centros de ensino.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
