A Subdelegación do Goberno en Lugo organiza unha xornada informativa sobre o novo regulamento de estranxeiría
Lugo, 18 de marzo de 2025. A subdelegada do Goberno en Lugo, Isabel Rodríguez, inaugurou hoxe unha xornada informativa sobre os cambios normativos no regulamento de estranxeiría que reforzan os dereitos das mulleres migrantes vítimas de violencia de xénero e violencia sexual para a obtención dos permisos temporais de residencia e traballo. A sesión, organizada pola Subdelegación do Goberno, enmárcase dentro das actividades programadas polo 8 de marzo, Día Internacional das Mulleres.
Na súa intervención, Isabel Rodríguez subliñou a necesidade de garantir unha protección efectiva para as mulleres estranxeiras que sofren violencia machista, asegurando que “o compromiso do Goberno coa igualdade e contra a violencia de xénero é firme, polo que avanzamos para garantir que todas as mulleres, independentemente da súa situación administrativa, teñan a maior cobertura e protección”, afirmou.
A xornada contou coa participación de Elba Rivas López, Xefa da Dependencia Provincial de Traballo e Inmigración, e Montserrat Vidal Expósito, Xefa da Oficina de Estranxeiría de Lugo, que explicaron os cambios no regulamento e as novas vías de residencia e traballo para vítimas de violencia de xénero, violencia sexual ou trata de seres humanos. Así, sinalaron algunhas das principais novidades relativas á solicitude de reagrupamento familiar, á validez dos informes dos servizos sociais dos concellos para determinar a condición de vítima, ou a non esixencia inmediata de denuncia para outorgar a autorización provisional de residencia e traballo.
Rodríguez tamén destacou o incremento da inversión en políticas contra a violencia machista en Galicia, que desde 2018 superou os 80 millóns de euros, financiando programas de prevención, asistencia integral ás vítimas e reforzo da rede de protección. “Nos últimos catro anos multiplicáronse por tres os recursos dispoñibles. Só en 2024, os concellos da provincia de Lugo recibiron máis de 240.000 euros para accións de prevención e apoio ás vítimas”, apuntou.
A subdelegada concluíu a súa intervención apelando á importancia de que todos os axentes implicados na loita contra a violencia de xénero apliquen unha perspectiva feminista e interseccional. “A única forma de reducir as cifras de vítimas é aumentando os recursos e a prevención. Debemos redobrar esforzos para garantir unha protección efectiva e sinalar con contundencia a quen vulnera os dereitos humanos”, afirmou.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
