O conselleiro do Mar remarca que este servizo terá un impacto positivo no desenvolvemento das actividade marítimo-pesqueira da zona, así como na xestión empresarial da mesma, o que repercutirá no impulso da competitividade e a transformación da cadea mar-industria
Viveiro, 28 de marzo de 2025. O conselleiro do Mar, Alfonso Villares, e o conselleiro de Facenda e Administración Pública, Miguel Corgos, asistiron á apertura este venres da oficina Es.Mar Economía Azul de Galicia que o departamento autonómico puxo en marcha nesta localidade mariñá, co fin de que as empresas e autónomos do sector marítimo-pesqueiro logren un maior aproveitamento das axudas que establece o Fondo Europeo Marítimo, de Pesca e de Acuicultura (Fempa), impulsando con elo a competitividade e a transformación da cadea mar-industria.
Deste xeito, coa posta en funcionamento estas instalacións, o Goberno galego completa a apertura da rede autonómica destas oficinas, que dan servizo a un total de 75 concellos. No caso do mariñao, son once: Cariño, Ortigueira, Mañón, O Vicedo, Viveiro, Xove, Cervo, Burela, Foz, Barreiros e Ribadeo.
Villares puxo en valor este novo servizo que terá un efecto decisivo no desenvolvemento da actividade marítimo-pesqueira, así como na xestión empresarial da mesma. A rede de oficinas Es.Mar Economía Azul de Galicia forma parte do paquete de medidas liderado pola Xunta para optimizar os recursos económicos que proveñen de Europa, pois a comunidade ten asignados 4 de cada 10 euros destinados ás autonomías, o que supón máis de 366 millóns de euros. Neste senso, a de Viveiro incluirá accións relativas á transformación dixital do sector, a asegurar o relevo xeracional, á mellora da eficiencia empresarial, ao uso da innovación de cara a desenvolver novos proxectos e servizos, á implantación do comercio electrónico, e á formación relativa á normativa e xestión empresarial.
Pola súa banda, o conselleiro de Facenda e Administración Pública, Miguel Corgos, fixo fincapé na importancia de contar con servizos coma este para favorecer que a Administración e o tecido empresarial vaian da man, aproveitando ao máximo o financiamento comunitario. “Esta oficina Es.Mar de Viveiro cumpre á perfección este obxectivo para fortalecer o diálogo entre a administración e, neste caso, todo o relacionado co sector da cadea mar-industria”, dixo, incidindo na importancia de optimizar a xestión ao servizo da cidadanía co obxectivo de consolidar unha Administración máis eficaz, accesible e próxima.
Estas instalacións, ao igual que o resto das seis que xa están en funcionamento en Ferrol, Vigo, Ribeira, Pontevedra, A Coruña e Vilagarcía de Arousa, prestarán un servizo híbrido -con oficinas físicas e unha virtual- o que permitirá ofrecer unha atención particularizada ás necesidades de cada potencial beneficiario do Fempa. Cada oficina conta cun equipo especializado e con experiencia previa en contratación pública para enfrontar con solvencia o reto de incrementar as axudas concedidas e fortalecer o grao de diálogo co sector e o tecido empresarial.
Máis de 1,8M€
A rede de Oficinas Es.Mar é unha iniciativa que conta cun investimento que supera os 1,8 millóns de euros. A este respecto, Villares tamén recordou que os oito Grupos de Acción Local do Sector Pesqueiro de Galicia (GALP), dependentes da Consellería do Mar, entre os que se atopa o GALP Mariña-Ortegal, tamén xogan un papel destacado na distribución das axudas con financiación comunitaria para apoio a proxectos cun importante impacto nas poboacións costeiras. Son un total de oito en todo territorio galego. Agrupan a 409 organizacións locais, das que 97 pertencen ao sector pesqueiro, representando a máis de 13.000 traballadores. No 2024 foron aprobados 133 proxectos ao abeiro destes apoios, que contaron cunha axuda pública de 11,7 millóns de euros e supuxeron a mobilización de case 21 millóns de euros.
Este GALP está composto por 53 entidades sociais que son representativas dos principais sectores da zona costeira, caracterizada por unha ampla extensión territorial ao longo da franxa cantábrica galega, con Viveiro como punto central que divide dúas zonas con distintos niveis de desenvolvemento e predominio de actividades económicas produtivas e de servizos.
As entidades do sector pesqueiro supoñen o 35,85% da Asemblea Xeral, contemplando a totalidade das confrarías da Mariña-Ortegal, que agrupan ás persoas dedicadas á actividade produtiva e tamén, a través das lonxas, á comercialización de produto pesqueiro. Entre as entidades que forman parte do GALP tamén se atopan as agrupacións e asociacións de marisqueo da zona, así como entidades representativas de percebeiros e pesca de baixura. Ademais, o territorio ten gran tradición pesqueira, polo que este Grupo conta con 3 asociacións de redeiras na súa Asemblea. É salientable que neste sector é onde se atopa unha representación máis igualitaria entre homes (11 representantes) e mulleres (8 representantes).
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
