Recentemente, os senadores do Partido Popular solicitaron información sobre o estado do proxecto, o seu financiamento e os prazos de execución, pero a resposta do Executivo central foi decepcionante
Barreiros, 29 de marzo de 2025. A pesar dos anuncios realizados pola alcaldesa e a primeira tenente de alcaldesa de Barreiros, así como polo delegado do Goberno, a realidade sobe a construción da estación depuradora de augas residuais (EDAR) de San Miguel de Reinante segue sen concretarse. Recentemente, os senadores do Partido Popular –Jose Manuel Balseiro, José Manuel Barreiro e Juan Serrano- solicitaron información sobre o estado do proxecto, o seu financiamento e os prazos de execución, pero a resposta do Executivo central foi decepcionante.
Segundo a resposta oficial, actualmente só se están levando a cabo contactos preliminares entre o Concello de Barreiros e a sociedade mercantil estatal Aguas de las Cuencas (Acuaes). Estes contactos terían como obxectivo analizar as necesidades do municipio, desenvolver un proxecto de actuación e estudar a viabilidade da execución da obra. Porén, non se menciona ningún compromiso concreto en canto a financiamento, prazos ou a posible necesidade de cofinanciamento.
Os senadores do PP consideran que esta resposta confirma a ausencia dun compromiso real por parte do Goberno central. “O Goberno de España non se compromete a absolutamente nada. Preguntámoslles se a EDAR ía ser cofinanciada, se tiña algunha partida orzamentaria asignada e cando se prevía a súa execución, pero non obtivemos ningunha resposta concreta”, sinalan.
A falta de concreción xera incerteza entre os veciños de Barreiros, que levan tempo demandando unha solución efectiva para a xestión das augas residuais. “Non dicimos que non se vaia facer, de feito oxalá se faga, pero compromiso firme neste momento por parte do Goberno non hai”, indican os senadores populares.
A cidadanía de Barreiros segue á espera de feitos e non de promesas. O Partido Popular esixe que o Goberno clarifique a súa postura e concrete as accións necesarias para que a EDAR de San Miguel de Reinante sexa unha realidade canto antes.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
