Trabada, 20 de marzo de 2025. O Concello de Trabada denuncia a situación tan preocupante que está a sufrir o servizo de atención primaria do municipio. A Consellería de Sanidade da Xunta de Galicia non cubriu a praza do profesional que se xubilou hai uns meses. Actualmente, a atención médica no centro de saúde de Trabada está a ser cuberta con horas soltas, de xeito que algúns días hai servizo pola mañá, outros pola tarde e noutros casos directamente non hai médico dispoñible.
O alcalde de Trabada, Rubén García Freije, denuncia esta situación: “É unha auténtica vergoña o que a Xunta de Galicia nos está a facer a tódolos veciños e veciñas de Trabada. Están a cubrir en horas soltas o servizo para poder dicir que prestan atención médica todos os días, cando en realidade non se está garantindo un servizo continuo nin de calidade”.
Ademais, o rexedor advirte do elevado custo que supón esta situación: “Cando o médico acode polas tardes, contratan unha enfermeira a maiores, incrementando aínda máis os gastos sen ofrecer unha solución real ao problema”.
O Concello tamén denuncia que a Xunta pretende que os profesionais sanitarios asuman máis horas das que lles corresponden, ofrecéndolles simplemente un pago adicional como compensación. “A forma na que lles piden que fagan máis horas é dicíndolles que ‘van cobralas moi ben’. É inadmisible o que está a facer a Xunta de Galicia”, critica Rubén García.
Desde o Concello de Trabada esíxese a cobertura inmediata da praza do médico xubilado, para que o municipio poida contar con dous facultativos, garantindo así unha atención sanitaria estable. “Se non temos dous médicos, cando un deles se ausente quedamos desprotexidos. Somos un concello cunha poboación moi envellecida e cun centro de maiores onde residen 39 persoas que precisan asistencia médica habitualmente. A Xunta de Galicia non pode seguir ignorando esta realidade”, conclúe o alcalde.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
