Daniel García: “A falta de médicos non a inventamos nós, este luns non houbo ningún medico no centro de saúde de Foz”
Lugo, 25 de marzo de 2025. A falta de persoal e recursos da sanidade pública centrou o debate no pleno celebrado esta mañá na Deputación de Lugo, onde o BNG denunciou unha vez máis as consecuencias da xestión do Partido Popular á fronte da Xunta de Galicia.
Especial atención recibiu a situación na comarca da Mariña, que o pasado domingo acolleu unha mobilización multitudinaria en defensa de melloras na atención primaria e hospitalaria, con 5.000 persoas, convocadas pola Plataforma Sanitaria da Mariña, nas rúas de Viveiro.
O deputado Daniel García subliñou o éxito da mobilización fronte aos intentos do Partido Popular de “silenciar, ocultar e manipular as reivindicacións da sociedade”. “A falta de médicos non a inventamos nós”, dixo o responsábel provincial que expuxo a realidade da atención no hospital e nos centros de saúde. “Este luns (24 de marzo) non houbo ningún médico no centro de saúde de Foz. Un concello de 10.000 habitantes. Isto é unha vergoña”, sentenciou.
No decurso do debate, no que se aprobou unha moción do BNG en apoio á mobilización nacional convocada pola Plataforma SOS Sanidade Pública o vindeiro 6 de abril en Compostela, o deputado nacionalista acusou ao Partido Popular de “non estar a altura na defensa de servizos públicos de calidade para os mariñaos e mariñás” e de ir o pasado domingo a Viveiro (a unha comida de partido) “a defender os intereses de Mariña Gueimunde e non os da Mariña Lucense “.
Débeda pública
O pleno provincial tamén aprobou unha iniciativa que insta ao goberno galego a aceptar a condonación de 4.100 M€ de débeda pública recollida no acordo entre BNG e PSOE para a investidura do goberno do Estado.
O deputado e vicepresidente da Deputación de Lugo Efrén Castro recordou que a aplicación deste acordo suporía reducir a débeda pública de Galiza un 33% e aforrar 570M€ en intereses, e criticou que o Partido Popular en Galiza se posicione en contra desta medida por subordinación ás ordes de Feijóo desde Madrid.
“Pactar con Voz medidas racistas e medidas negacionistas do cambio climático. Coa ultradereita, si, Pero pactar co BNG medidas que benefician a Galiza, non. Esa é unha liña vermella para os grandes xestores do partido Popular”, ironizou o vicepresidente da Deputación de Lugo.
A moción, aprobada cos votos a favor de BNG e PSOE, solicita tamén que a Xunta de Galiza invista o diñeiro aforrado coa condonación en mellorar os servizos públicos de sanidade, educación e atención a dependencia.
O PP rexeita concertar prazas na residencia de Becerreá
O Partido Popular rexeitou unha emenda do goberno provincial que pedía á Xunta de Galiza a concertación de prazas no Centro de Atención a Maiores de Becerreá, pechando a porta a colaborar no financiamento das prazas da residencia da rede provincial.
O Partido Popular descartou así o modelo de colaboración que si mantén con centros privados -financiando, nalgúns casos, ata o 80 por cento das súas prazas – e que comprometeu para as futuras residencias da Deputacíon de Lugo, certificando que “o seu interese polos prezos que paguen os veciños e veciñas de Becerreá é cero”, sinalou o deputado e vicepresidente da Deputación de Lugo Efrén Castro, que afondou nas cifras da discriminación do público e de Lugo por parte do Partido Popular na Xunta de Galiza.
“De cada dez prazas pública que oferta a Xunta de Galiza, 8 están concertadas con outros centros. Na provincia de Lugo, ningunha delas en centros públicos, nin nas residencias da rede provincial, nin nas residencias municipais de Sarria e Foz. Só concertan cos centros privados, onde teñen as portas xiratorias e onde poden facer negocio coa vellez desta provincia”, expuxo o responsable provincial.“Non lles preocupan nada os veciños, só queren desgastar este goberno e eludir a súa responsabilidade na Xunta de Galiza”, concluíu.
A proposta ,que se presentou como emenda no debate dunha moción popular sobre os custo das prazas no centro, solicitaba a colaboración da Xunta de Galiza para establecer axudas para financiar, conxuntamente coa Deputación, o cento por cento das prazas da residencia.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
