En Galicia, a Xunta leva anos promovendo políticas activas de emprego e apoio aos emprendedores, con iniciativas que fomentan a actividade económica, a competitividade e o mantemento de empregos de calidade
Lugo, 15 de marzo de 2025. O senador do Partido Popular, José Manuel Balseiro, defenderá este luns na Comisión de Traballo e Economía Social do Senado unha moción que insta ao Goberno de España a colaborar coas comunidades autónomas no impulso do emprendemento como estratexia para fixar poboación no territorio e afrontar o reto demográfico. O popular apelará ao consenso de todas as forzas políticas para sacar adiante esta iniciativa, dada a súa relevancia para a economía e o futuro das zonas afectadas pola despoboación.
En Galicia, a Xunta leva anos promovendo políticas activas de emprego e apoio aos emprendedores, con iniciativas que fomentan a actividade económica, a competitividade e o mantemento de empregos de calidade. Un dos proxectos máis destacados é o Centro de Orientación, Emprendemento, Acompañamento e Innovación de Galicia (CUELE-Galicia), situado na Coruña e integrado na rede estatal de apoio ao emprendemento.
Este centro, plenamente accesible, conta con espazos destinados á formación e á innovación, e coordinar as actividades de orientación laboral das oficinas de emprego galegas, así como a Rede de 14 Polos de Emprendemento e Apoio ao Emprego distribuídos por toda a comunidade. Ademais, desde 2022, a Xunta leva a cabo distintos programas para reforzar a empregabilidade e apoiar iniciativas emprendedoras e innovadoras vinculadas ás economías locais.
Na súa moción, o Partido Popular solicita que o Goberno central cofinancie con fondos estatais, en colaboración coas comunidades autónomas, os recursos necesarios para o funcionamento do CUELE-Galicia e doutros centros similares noutras autonomías, garantindo así a súa continuidade e eficacia no apoio ao emprendemento.
“Este é un asunto clave para o futuro de Galicia e doutras comunidades afectadas polo despoboamento. Por iso, buscamos o apoio de todas as forzas políticas para que esta moción saia adiante e se reforcen as políticas de emprendemento”, destaca Balseiro.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
