“Non é normal que unha obra que custou máis dun millón de euros xa estea en condicións lamentables. É unha chapuza máis da xestión do bipartito, que despilfarra os cartos dos veciños en obras mal feitas e sen planificación”, denuncian desde o PP
Vilalba, 25 de marzo de 2025. O Partido Popular de Vilalba esixirá no vindeiro pleno explicacións ao goberno de PSOE e Vilalba Aberta sobre a situación da rúa da Pravia, onde as deficiencias da obra realizada hai só ano e medio xa están a causar caídas de peóns. As beirarrúas presentan desniveis perigosos, continúan acumulando auga nos días de chuvia e xa aparecen fochancas na calzada, a pesar de que a renovación desta rúa custou 1,2 millóns de euros.
“Non é normal que unha obra que custou máis dun millón de euros xa estea en condicións lamentables. É unha chapuza máis da xestión do bipartito, que despilfarra os cartos dos veciños en obras mal feitas e sen planificación”, denuncian desde o PP. “¿Quen vai asumir responsabilidades por isto? ¿Que pensa facer o goberno local para garantir a seguridade dos peóns? ¿Ou van a seguir mirando para outro lado ata que ocorra unha desgraza?”.
Os concelleiros populares tamén preguntarán cando teñen previsto cambiar as sinais de tráfico na rúa da Pravia, xa que hai sete meses Vilalba Aberta cambiou o sentido de circulación, pero as sinais continúan sen actualizarse. “Se son incapaces de facer algo tan básico como cambiar unhas sinais en sete meses, ¿que podemos esperar deles para cuestións máis importantes?”, critican.
OUTROS PROBLEMAS MUNICIPAIS
O PP tamén preguntará polos motivos do despedimento do encargado do servizo de recollida do lixo, que levaba máis de 20 anos prestando servizo. Os populares queren saber se este é o inicio dunha purga laboral dentro do Concello e cal é a postura de Vilalba Aberta sobre este asunto. “O bipartito debe explicar por que bota á rúa a un traballador con décadas de experiencia. ¿Van a seguir despedindo a xente sen dar ningunha explicación?”, critican.
Outros temas que levarán ao pleno inclúen a situación da Praza de Santa María, a falta de avances na adxudicación das parcelas do Polígono Industrial Sete Pontes, os motivos polos que aínda non se convocou a praza de arquitecto técnico do Concello, o estado actual do PXOM e o aforro real conseguido coa instalación das farolas de baixo consumo.
“Estamos ante un goberno que funciona a base de improvisacións e propaganda, pero a realidade é que Vilalba está peor que nunca. Obras que non duran, traballadores despedidos sen explicacións, proxectos que non avanzan… Mentres tanto, PSOE e Vilalba Aberta seguen calados e sen asumir responsabilidades”, conclúen os populares.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
