Alfonso Villares visitou o primeiro dos 10 obradoiros que percorrerán as lonxas de Galicia e Asturias
Burela, 22 de abril, 2025. O conselleiro do Mar, Alfonso Villares, visitou este martes o primeiro dos obradoiros do proxecto Capitán Mareas, que tivo lugar en Burela e que contou coa participación de 25 alumnos de sexto de primaria do C.E.I.P. de Cervo. Trátase do novo programa educativo promovido pola compañía galega de distribución alimentaria Vegalsa-Eroski, en colaboración coa Administración autonómica, para fomentar o consumo dos produtos do mar entre os máis novos e dar a coñecer a actividade pesqueira local. En total, ao abeiro desta iniciativa impartiranse 10 accións formativas que percorrerán as lonxas de Galicia e Asturias ata finais de maio.
O responsable autonómico agradeceu que entidades privadas como a citada se involucren coa difusión da calidade do peixe e marisco que sae das rías galegas, sobre todo, porque conteñen un elevado aporte proteico que redunda no benestar e na calidade de vida das persoas, ao tempo que se contribúe a por en valor a actividade marítimo-pesqueira tan importante en Galicia e no noroeste peninsular. Deste xeito, Villares avoga por impulsar esta concienciación dende as idades máis temperás tanto nos núcleos familiares, como nos educativos e mesmo no eido social. E, neste obxectivo, apelou á implicación neste eido, tal e como está a facer o Goberno galego e a compañía alimentaria.
Xunto ao titular de Mar, no evento participaron a directora de Sostibilidade e Comunicación da compañía alimentaria, Gabriela González, e outras responsables do proxecto, así como o patrón maior da Confraría de Pescadores de Burela e presidente da Federación Nacional de Confrarías de Pescadores, Basilio Otero.
O proxecto ao detalle
Capitán Mareas levará así aos escolares galegos e asturianos a visitar a súa lonxa máis próxima (Burela, Laxe, Ferrol, Ribeira, Fene, Sada, Baiona, Fisterra e Puerto de Vega). Unha vez na rula, os estudantes coñecerán as testemuñas do patrón maior e das mariscadoras, que relatarán o seu traballo diario no mar, as artes de pesca da zona e os diversos produtos en función da época do ano. Ademais, comprobarán como é o proceso de poxa.
Deste xeito, os beneficiarios da iniciativa tomarán conciencia da importancia dunha alimentación saudable e do peixe e marisco máis destacado de cada tempada para poder elaborar un menú semanal por equipos. Estes coñecementos poranos en práctica da man dos chefs galegos de A Artesa da Moza Crecha, Lolo Mosteiro e Paula Martínez, que se encargarán de ensinar a preparar aos escolares unha receita equilibrada cun peixe de tempada, que vai variando en función da lura.
O proxecto, impulsado por Vegalsa-Eroski, e apoiado por Mar, conta co respaldo do Grupos de Acción Local de Pesca (GALP) A Mariña-Ortegal, Costa da Morte, Ártabro Norte, Ría de Arousa, Golfo Ártabro Sur, Ría de Vigo-A Guarda, Seo de Fisterra-Ría de Muros e Noia, Costa Sostible, e CEDER Navia-Porcía, ademais do das Confrarías de Pescadores de Burela, Laxe, Ferrol, Fene, Ribeira, Sada, Baiona, Fisterra e Puerto de Vega, e da Dirección Xeral de Pesca Marítima do Principado de Asturias.
Compromiso coa dieta saudable
Vegalsa-Eroski, ao igual que o Goberno galego, leva anos sensibilizando aos futuros consumidores nos hábitos de vida saudables. A través dos programas Visita tu súper e Mates en tu súper, a compañía organizou máis de 900 obradoiros nos que achegou os supermercados a máis de 22.000 escolares, ensinando de forma práctica e divertida os beneficios de levar unha alimentación sa.
Esta compañía conta en Galicia, Asturias e Castela e León con 287 establecementos propios e franquiciados. A súa estrutura comercial compleméntase cunha moderna plataforma de mercadorías loxística de última xeración, ademais das instalacións de produtos frescos de A Coruña e centros de distribución en Vigo e Ourense. Máis de 7.350 persoas conforman esta firma empresarial.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
