Viveiro, 9 de abril, 2025. A portavoz municipal do BNG, Miriam Bermúdez, presentará no Pleno deste mércores tres rogos dirixidos á alcaldesa, coa intención de obter información clara e transparente sobre tres cuestións de relevancia para a veciñanza: a Praza de Abastos, a situación actual do Souto da Retorta e o proceso para contratar unha Empresa de Servizos Enerxéticos.
Praza de Abastos: oportunidade perdida ou aposta de futuro?
O Bloque Nacionalista Galego solicita ao goberno municipal que aclare cal é o futuro previsto para a Praza de Abastos, tendo en conta que cando estivo o BNG no goberno fixo o seguinte:
-Un estudo sobre os usos e situación da Praza de Abastos.
-Un anteproxecto para a reforma integral do edificio
-A licitación dos postos baleiros.
-A consecución dunha subvención para modernizar o mercados
-Os pregos para a licitación dos postos baleiros redactados.
Ademais, está actualmente aberta (do 12 de marzo ao 14 de abril) a convocatoria de subvencións para a creación dunha Rede de Mercados Excelentes.
O BNG pide ao equipo de goberno que dea a coñecer publicamente:
-Se se vai aproveitar o estudo de usos elaborado previamente.
-Se hai previsión de executar a reforma integral do edificio.
-Se se vai presentar solicitude para a subvención dos Mercados Excelentes.
-Se se vai proceder á nova licitación dos postos actualmente baleiros.
“Non se entende que se deixen pasar oportunidades coma esta se xa fixemos boa parte do traballo. O que falta agora é vontade política e transparencia”, sinala Bermúdez.
Souto da Retorta: case un ano pechado sen solucións visibles
A portavoz nacionalista lembra que o pasado 23 de abril, como tenenta de alcaldesa e responsable da área de Medio Ambiente, trasladou á consellería a necesidade urxente de actuacións no Souto da Retorta, espazo declarado Monumento Natural. Entre os problemas identificados figuraban a falta de desbroce, o mal estado das árbores, a deterioración do camiño, a sucidade no río e o abandono do mobiliario.
A Xunta respondeu en xuño que ía realizar por fin o mantemento. Desde aquela data, o acceso ao espazo está pechado, sen que últimamente se vexan operarios a traballar na zona, pero seguen chegando visitantes sen que se garanta a súa seguridade.
O BNG pide:
-Información sobre o estado actual das actuacións.
-Data estimada de reapertura ao público.
-Medidas para evitar o acceso durante as obras, por seguridade.
-Axilidade nos traballos para evitar que o peche supere o ano.
Contrato enerxético: un proceso que non pode quedar paralizado
Desde o BNG tamén se lembra que durante o anterior mandato se iniciou o procedemento para contratar unha Empresa de Servizos Enerxéticos (ESE) que modernice o alumeado exterior e os sistemas de iluminación e calefacción nos edificios municipais, co obxectivo de reducir os custes enerxéticos do Concello.
O proceso incluíu:
-A realización dunha auditoría enerxética das instalacións municipais.
-O deseño do modelo de contrato e o estudo de viabilidade económica.
-O envío de solicitude a cinco empresas para a presentación da estrutura de custos.
O BNG solicita ao goberno actual:
-Información actualizada sobre o estado do procedemento.
-Previsións para a súa remisión ao departamento de contratación.
-Compromiso para levalo á Mesa de Contratación canto antes.
“Non é aceptable que este proceso leve meses bloqueado cando temos os estudos feitos e as propostas enriba da mesa. A eficiencia enerxética non pode esperar”, conclúe a portavoz do BNG.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
