Os populares piden ao equipo de goberno que “regresen á legalidade” xa que a secretaria advirte de irregularidades na tramitación dos contratos menores: Dentro de las observaciones realizadas, las más relevantes se refieren, a determinados servicios prestados y suministros realizados que superan el año previsto para la contratación menor, por los contratos menores que no se han tramitado conforme a lo previsto en la normativa y por el ejercicio de competencias impropias”
Lourenzá, 11 de abril de 2025. Os concelleiros do PP de Lourenzá levan meses advertindo da “delicada” situación económica pola que atravesa o Concello, unha situación que tamén advirte a secretaria interventora municipal nun informe no que “recomenda a suba de taxas e impostos para paliar o déficit que presentan as arcas do Concello”.
Os concelleiros populares explican que nese informe a secretaria interventora sinala que o resultado máis importante é o recollido no informe referido á liquidación do orzamento do ano 2024 que sinala: “O Concello atópase na tesitura de ter que adoptar medidas para a redución e contención do gasto corrente que non sexa imprescindible para o mantemento dos servizos básicos municipais, ou ben ao incremento dos ingresos correntes de libre disposición, posto que como se poñen de manifesto estes ingresos correntes chegan a duras penas para facer fronte aos gastos correntes”.
Unha situación que “vemos con moita preocupación”, explican os concelleiros populares, polo que “para evitar ter que repercutir subas impositivas aos veciños de Lourenzá o equipo de goberno debe evitar gastos innecesarios e comezar a seguir as recomendacións de control do gasto aconselladas pola secretaria interventora”.
Ademais, no informe tamén se advirte de varias irregularidades realizadas polo equipo de goberno, como as referentes á tramitación de contratos menores: “Dentro de las observaciones realizadas, las más relevantes se refieren, a determinados servicios prestados y suministros realizados que superan el año previsto para la contratación menor, por los contratos menores que no se han tramitado conforme a lo previsto en la normativa y por el ejercicio de competencias impropias”
Por outra banda, tamén se insta ao equipo de goberno local a contratar ao persoal necesario para poder realizar todas as funcións propias do Concello, xa que algunhas delas non se están a realizar adecuadamente pola falta de traballadores: “El órgano de control no dispone de los medios mínimos necesarios para desarrollar un modelo de control eficaz… por la falta de contratación de personal para cubrir las vacantes existentes”
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
