Balseiro: “O de Sánchez e o do PSOE cos traballadores de Alcoa foi unha sucesión de incumprimentos”
Madrid, 8 de abril de 2025. O Senado pide ao Goberno de Sánchez, a instancias do Partido Popular, o desbloqueo dos parques eólicos para Alcoa, ademais doutras medidas pendentes que permitirían blindar a actividade e os empregos da factoría mariñá.
O senador popular salientou que entorno a Alcoa dáse unha situación “paradoxal” xa que mentres en Europa hai un debate aberto sobre a necesidade de garantir o fornecemento de metais estratéxicos, en España está en perigo o futuro da única empresa de produción de alumino primario que queda no país.
Nese senso, valorou positivamente “o amplo acordo” acadado na Comisión de Industria despois de que o PSOE tamén votase a favor da transacción proposta polo PP.
O acordo final reflicte un dos compromisos “irrenunciables” como é urxir ao Goberno de España a autorizar os cinco parques eólicos vinculados á Alcoa e que levan 18 meses á espera da autorización do Ministerio de Transición Ecolóxica.
Balseiro lamentou que o do PSOE e o do Goberno Sánchez con Alcoa “é unha solución de incumprimentos. Non cumpriron nada do que prometeron, situación que contrasta co proceder da Xunta que si fixo fronte aos seus compromisos, por exemplo, autorizando a ampliación da balsa de lodos”
Sánchez prometera garantir un subministro de enerxía eólica a Alcoa máis barata e, en todo este tempo, non foi capaz de autorizar ningún dos cinco parques eólicos de competencia estatal”. Tamén prometera axudas por compensación de CO2 e un estatuto electrointensivo, “pero tampouco cumpriu. O estatuto electrointensivo aprobado polo Goberno de Sánchez da menos axudas que se reparten entre máis empresas, polo que Alcoa sae perdendo”-explicou
Sobre a convocatoria da mesa de seguimento do pacto de Alcoa, o senador popular tamén lembrou que “o acordo inicial recollía reunila cada 3 meses e o Goberno de España tardou practicamente 12 meses en convocala”.
A PRIMEIRA INDUSTRIA ELECTROINTENSIVA
Balseiro defendeu que aluminio é un metal básico para moitos sectores -polo que recordou que a súa actividade foi declarada esencial durante a pandemia-, é motor da economía e do emprego na comarca -onde xera máis de 2.000 empregos directos e indirectos- e na provincia onde representa o 30% do PIB.
O senador mariñán sinalou que “Alcoa é a principal industria electrointensiva de Galicia e de España” e, precisamente, a enerxía “é o seu punto máis débil” porque precisa moita enerxía para producir. Pero, “o Goberno de Sánchez, en sete anos, non foi capaz de garantir un marco enerxético estable e competitivo para as empresas electrointensivas”.
De feito, “España paga o prezo da electricidade industrial moito más caro que o resto de países europeos, pero o Goberno de Sánchez non foi capaz de poñer en marcha todos os apoios, PERTES ou axudas que o resto de países europeos si facilitaron ás súas industrias estratéxicas”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
