Nicolás González Casares alerta de que rematou o prazo de consultas e o goberno galego non puxo os problemas da pesca galega en coñecemento da Comisión Europea
Rianxo, 4 de abril de 2025. O europarlamentario galego Nicolás González Casares criticou hoxe en Rianxo que a Xunta teña deixado pasar o prazo de consultas que deu a Comisión Europea para presentar alegacións ao Pacto dos Océanos que vai marcar os usos das actividades mariñas para os próximos anos.
Así o dixo nun encontro co sector na Confraría de Rianxo no que tamén participaron o portavoz de Pesca do Grupo Socialista, Julio Abalde, o portavoz de Rianxo, Óscar Rial, o alcalde de Boiro e secretario de Pesca do PSdeG, José Ramón Romero, Martiño, e o patrón maior Miguel Iglesias.
Advertiulle ao goberno galego que “cando non participas nunha consulta despois non te podes queixar dos resultados”, e lamentou que “non están a facer o seu traballo”, cando outras comunidades autónomas si que participaron, así como representantes do sector como Anfaco, Arvi ou as organizacións de produtores pesqueiros. Este Pacto dos Océanos, explicou, vai fixar a estratexia que vai marcar os usos e actividades pesqueiras e tamén do turismo, a explotación da enerxía ou a bioeconomía.
Alertou que o silencio da Xunta é especialmente grave no que atinxe á ría de Arousa, polo que “temos que participar e poñer a disposición da Comisión Europea o que sabe a xente do mar de Galicia, e a Xunta non está a contar con eles para o desenvolvemento das políticas europeas”. Explicou que coa xuntanza de hoxe “vimos de escoitar á xente do mar de Rianxo, Arousa e Barbanza” e coñecer os problemas que provocan a caída da produtividade marisqueira.
A Xunta non fai nada
O portavoz de Pesca do Grupo Socialista, Julio Abalde, salientou que a xuntanza de hoxe, na que tamén participou o patrón maior da confraría serviu para coñecer de primeira man os problemas da ría de boca dos traballadores do sector e así “trasladar a súa voz ao Parlamento a través de iniciativas” para que a Xunta “se poña a traballar e faga o que ten que facer”. Reclamoulle ao goberno galego que utilice as súas competencias na xestión do marisqueo.
Criticou que o goberno galego “non fai valer os intereses de Galicia ante Europa” tampouco no que ten que ver co marisqueo, polo que teñen que ser os socialistas galegos os que vaian ás confrarías a “escoitar ao sector para buscar solucións” mentres a Consellería do Mar “non fai nada”. Esixiulle á Xunta que cumpra co seu compromiso de acadar a sustentabilidade do sector marisqueiro dende o punto de vista da biodiversidade e tamén social e económico da xente que traballa no sector.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
