Trabada, 5 de abril de 2025. A presentación do cartel da VI Festa da Enfariñada tivo lugar esta martes, marcando o inicio da conta atrás para unha das citas gastronómicas máis esperadas do municipio. O evento, que se celebrará o domingo 4 de maio na Praza do Concello de Trabada, rende homenaxe a un dos pratos máis tradicionais da zona: a enfariñada.
O alcalde de Trabada, Rubén García, salientou a importancia desta festa para a promoción da gastronomía e das tradicións locais. “A Festa da Enfariñada é unha oportunidade única para poñer en valor a nosa cultura culinaria e atraer visitantes ao noso concello. Estamos seguros de que esta edición volverá ser un éxito”, afirmou.
A partir das 12:00 horas do 4 de maio, os asistentes poderán degustar a enfariñada, un prato elaborado con ingredientes básicos como ovos, leite, auga, fariña e sal, e coñecido tamén como “faragullos” noutros lugares da contorna. Como novidade, nesta edición ofreceranse opcións sen glute, ademais de racións de xamón cocido e chourizo.
A festa contará tamén cun mercado de produtos locais de proximidade, onde se poderán adquirir delicias e artesanía da zona. A música tradicional será outro dos grandes atractivos da xornada, coa participación dos grupos “Tumba e Dálle” e “Grupo Lume”, que animarán o ambiente ao longo do día.
Organizada polo Concello de Trabada e coa colaboración da Deputación de Lugo, a Festa da Enfariñada segue a medrar ano tras ano. Na última edición vendéronse máis de 550 racións, consolidando este evento como unha referencia no calendario festivo da provincia.
Co cartel xa presentado, a expectación medra entre veciños e visitantes, que xa contan os días para desfrutar desta festa que combina tradición, gastronomía e boa música.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
