Cada mércores, alumnado e monitoras percorren a pé o traxecto aos centros educativos con alta participación e apoio das familias
Burela, 15 de maio de 2025. A campaña “Eu, a pé ao cole”, impulsada polo Concello de Burela para fomentar os desprazamentos a pé aos centros educativos, continúa consolidándose como un hábito entre o alumnado da vila. Cada mércores, as monitoras da asociación Gaia acompañan aos nenos e nenas no traxecto cara aos centros escolares, promovendo a mobilidade sostible e os hábitos saudables.
A iniciativa, que arrancou en abril, contou tamén coa implicación dos institutos e tivo unha excelente resposta nos primeiros días de implementación. Segundo sinalan desde o Concello, o balance é moi positivo, e a participación continúa aumentando semana tras semana.
“A resposta da comunidade educativa foi marabillosa. Este tipo de accións demostran que pequenos cambios poden transformar os hábitos diarios e mellorar a saúde da nosa rapazada”, destacou a alcaldesa Carmela López, quen agradeceu a implicación dos centros e das familias.
“Queremos consolidar este movemento como parte da vida diaria de Burela, e dende o Concello seguiremos traballando para facer da mobilidade sostible unha prioridade real”, afirmou.
“Eu, a pé ao cole” busca recuperar a rutina de camiñar ao centro educativo como medida beneficiosa para a saúde física e emocional da infancia e adolescencia, ao tempo que contribúe a reducir o tráfico e a contaminación no entorno urbano.
A campaña está enmarcada na estratexia municipal de promoción da saúde pública, a educación en valores e a loita contra o sedentarismo infantil, ademais de contribuír a reducir o tráfico e a contaminación nos arredores escolares.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
