A Mariña, 21 de maio de 2025. Gozar de experiencias de calidade e conectar co destino dunha maneira máis profunda, pero tamén máis respectuosa e sostible, en calquera época do ano e superando o concepto tradicional do turismo. Ese é o obxectivo que se marca a Mancomunidade de Concellos da Mariña Lucense e no que traballa a diario para posicionar o territorio como un destino que ofrece, máis que actividades, experiencias. Nesta liña, o xeoturismo e o turismo ornitolóxico están a converterse en alternativas singulares na Mariña Lucense, captando o interese por parte das persoas que nos visitan.
Con este potencial está a traballar para estruturar un catálogo de produtos e experiencias enriquecedor tanto para as persoas que nos visitan, como para aquelas que viven aquí. “Concibimos o turismo como unha actividade que xera valor, non só económico, senón tamén para a conservación e valorización do patrimonio, promovendo así o orgullo local e un turismo cada vez máis desestacionalizado e respectuoso co territorio” así o explica a vicepresidenta da Mancomunidade de Concellos da Mariña Lucense, Ana Ermida, cando aborda o concepto do turismo.
Actividades especializadas
Co obxectivo de promocionar A Mariña como destino de turismo ornitolóxico e xeoturismo, a Mancomunidade – ao abeiro do Plan de Sos8bilidade Turística 2022-2024 cofinanciado pola propia Mancomunidade, a Xunta de Galicia e a Secretaría de Estado de Turismo- vén de ampliar os contidos recollidos nas seccións de Xeoturismo e Ornitoloxía da páxina web https://amarinalucense.gal/, facilitando que todas as persoas interesadas teñan acceso á información actualizada e completa para a práctica destas modalidades de turismo de natureza co fin de planificar as súas visitas e contratar servizos.
Así mesmo, tamén se editaron 2 folletos divulgativos, un de turismo ornitolóxico e outro de xeoturismo, que xa están dispoñibles ao público tanto en papel nas Oficinas de Turismo municipais, como para a descarga en formato dixital en varios idiomas na páxina web anteriormente indicada.
Ademais, nos próximos meses serán colocados, en lugares estratéxicos de interese xeolóxico e ornitolóxico, tótems interpretativos de baixo impacto visual e paisaxístico.
Todo isto complementa o traballo previamente realizado, no marco do PST, co fin de fomentar a creación de produtos e iniciativas turísticas público-privadas. Así, destacan as tres xornadas formativas en turismo ornitolóxico e xeolóxico, o encontro de turismo de observación de natureza natureWatch e as 22 xeorutas realizadas fóra de tempada alta de man de guías locais expertos na materia. Todo isto supón un total de 33 accións no territorio, que mobilizaron a máis de 500 persoas.
Turismo ornitolóxico
A observación de aves é unha oportunidade de atraer turismo desestacionalizado e respectuoso co territorio. A Mariña ten unha gran diversidade de hábitats e especies que ofrecen diferentes posibilidades de observación en función da época do ano, sendo as gaivotas o grupo de aves que máis ornitólogos atraen a esta zona.
A primavera é unha época crucial para a observación debido á nidificación, a cría e a migración a través do corredor migratorio de aves mariñas máis importante de Europa declarado ZEPA (Zona de Especial Protección para as Aves).
No interior destaca Ourol como lugar para a observación de voitres leonados, considerado o lugar con maior concentración de toda Galicia durante estes meses de primavera, podendo verse tamén con facilidade no resto da Serra do Xistral (Alfoz, Mondoñedo e O Valadouro), onde ademais se atopan destacadas especies forestais.
Na costa, chegan as pardelas cincentas a nidificar á Illa Coelleira (O Vicedo) e nas praias obsérvanse aves pouco frecuentes alimentándose e descansando para continuar coa súa migración. Ademais, a finais do verán e no outono, un dos mellores lugares de Europa para observar e fotografar o espectáculo da migración das aves, é Cabo Burela, situado a tan só 1 hora de distancia de Estaca de Bares (A Coruña), lugar recoñecido internacionalmente por ser o mellor punto de observación deste acontecemento natural.
Durante o inverno, o interese concéntrase nas rías e lagoas, coa presenza de limícolas, anátidas, garzas ou as aguias pescadoras, entre outras especies.
Xeoturismo, rochas singulares
O xeoturismo supón tamén un importante atractivo na Mariña tanto para visitantes como para a poboación local, quedando patente o interese a través da alta participación rexistrada nas actividades programadas.
Máis alá do recoñecemento que atesouran lugares como o Monumento Natural Praia das Catedrais, a Cova do Rei Cintolo, Mina Consuelo ou O Perdouro en Burela; dende a Mancomunidade fíxose unha selección doutros 12 puntos de especial interese xeolóxico que cómpre visitar para coñecer o pasado da Mariña, un lugar privilexiado dentro da Península Ibérica, cuxas formacións rochosas son obxecto de estudo pola súa vistosidade e por toda a información que nos achegan da súa historia.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
