Ameijide considera que “esa axuda anunciada polo presidente non era para parar unha moción de censura, senón para axudar ao Concello e aos seus veciños. Non se entendería que prometese o apoio condicionado a se continuaba a ser alcaldesa a señora María Loureiro porque iso suporía recoñecer que o goberno da Deputación fai un uso sectario ou partidista dos fondos públicos da institución provincial por non poñer outro nome”
Viveiro, 21 de maio de 2025. O Grupo Provincial Popular esixirá ao goberno provincial de PSOE e BNG no pleno do vindeiro martes que cumpra a promesa feita polo presidente, José Tomé, o pasado mes de febreiro de dirixir ao Concello de Viveiro investimentos por valor de 1M€.
O portavoz, Antonio Ameijide, e o viceportavoz, Demetrio Salgueiro, reuníronse coa alcaldesa, Mariña Gueimunde, para analizar a “comprometida” situación económico-financeira do Concello de Viveiro “debido á mala xestión dos gobernos de PSOE e BNG nos últimos anos”.
“Somos coñecedores de que a Deputación de Lugo ten colaborado co Concello de Viveiro, incluso, para financiar gastos correntes. E tanto o propio Presidente do ente provincial coma o PSOE teñen anunciado publicamente compromisos co Concello de Viveiro que en boa parte foron incumpridos”, explican.
Os populares citan como exemplo “a subvención anual do 50% do custe do Conservatorio de Música por parte da Deputación Provincial de Lugo”. Ademais, lembran que o Concello ten que facer fronte neste 2025 dunha “débeda do anterior goberno de PSOE e BNG que supera xa os 900.000 euros de facturas sen atender dos anos 2023 e 2024, subvencións sen cobrar e documentos sen proposta de gasto”.
Ameijide subliña que “non é xusto que os veciños e veciñas teñan que sufrir non só os erros da xestión do anterior goberno de PSOE e BNG en materia económica, senón que tamén agora os castigue o PSOE e BNG dende o goberno provincial”.
A situación económica e a falta de cumprimento dos 15 puntos do acordo programático entre PSOE e XViveiro abocou á corporación municipal a aprobar unha moción de censura.
Nesas datas, o presidente da Deputación, D. José Tomé, desprazouse ao municipio de Viveiro a comprometer un apoio ao Concello cifrado en 1 millón de euros de investimentos, “pero máis de tres meses despois segue sen chegar aos viveirenses”.
Ameijide di que “entendemos, por suposto, que esa axuda anunciada polo presidente non era para parar unha moción de censura, senón para axudar ao Concello e aos seus veciños. Non se entendería que prometese o apoio condicionado a se continuaba a ser alcaldesa a señora María Loureiro -agora asesora do presidente na Deputación de Lugo e adxunta á secretaría xeral no PSOE lucense- porque iso suporía recoñecer que o goberno da Deputación de Lugo fai un uso sectario ou partidista dos fondos públicos da institución provincial por non poñerlle outro nome”.
Os populares lembran a competencia da Deputación de Lugo en materia de cooperación cos Concellos de menos de 20.000 habitantes da provincia polo que esixen ao goberno provincial garantir o apoio tanto ao Concello de Viveiro como aos demais concellos con criterios de transparencia e igualdade.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
