O conselleiro do Mar respondeu a preguntas relativas ao seu departamento no Parlamento de Galicia
Santiago de Compostela, 21 de maio de 2025. O conselleiro do Mar, Alfonso Villares, respondeu no día de hoxe a preguntas relativas á actividade do seu departamento nas que puxo en valor a aposta decidida da Xunta pola investigación mariña. Así, detallou que este ano o Goberno galego inviste 24 millóns de euros que permiten o desenvolvemento de 124 proxectos por parte dos centros científicos autonómicos. Unha actividade investigadora que sitúa a Galicia como referente internacional así como á vangarda no ámbito da sustentabilidade, elemento fundamental no obxectivo de garantir o mellor futuro para os profesionais do sector marítimo-pesqueiro.
O titular de Mar situou esta liña de traballo como esencial á hora de afrontar os desafíos actuais da actividade pesqueira na comunidade na súa adaptación aos efectos do cambio climático. Un labor no que a Administración autonómica colabora con outras entidades como as tres universidades autonómicas ou o Consello Superior de Investigacións Científicas (CSIC), establecendo así alianzas estratéxicas para desenvolver ferramentas de traballo ao servizo do sector. Unha acción que está sustentada na análise da situación xunto cos axentes implicados mediante a identificación dos principais problemas, elaborando propostas e partindo sempre dunha xestión compartida coa comunidade científica.
Máis coñecemento
Alfonso Villares incidiu na necesidade de contar cun maior coñecemento, cuantitativo e cualitativo, do medio costeiro e da dinámica océano-meteorolóxica para favorecer o desenvolvemento das actividades económicas vinculadas ao mar. Neste marco, puxo en valor o esforzo orzamentario da Xunta que incrementou as partidas destinadas a organismos dependentes da Consellería do Mar como o Centro Tecnolóxico do Mar (Cetmar) o Instituto Tecnolóxico para o Control do Medio Mariño (Intecmar) ou o Centro de Investigacións Mariñas (CIMA). Tamén destacou o impulso de iniciativas a través da Rede entre o sector pesqueiro e organismos científicos de Galicia (Redemar) ou o Programa de Ciencias Mariñas de Galicia.
O conselleiro do Mar destacou este último programa como exemplo do modelo integrado de xestión do fluxo de coñecemento científico en ciencias mariñas adaptado ao contexto ambiental, sociocultural, económico e institucional de Galicia. Así, está composto por 89 grupos de investigación integrado en institucións galegas máis punteiras que contan coa total dedicación de 4.100 profesionais cun traballo repartido en 11 áreas diferentes. Unha boa mostra da xestión pesqueira que impulsa a Xunta coa ciencia como piar fundamental sobre o que reforzar esta actividade estratéxica.
Ría de Arousa
Alfonso Villares, en resposta ao posible impacto do proxecto Altri na ría de Arousa, puxo en valor os informes técnicos que conforman a Declaración de Impacto Ambiental (DIA) do proxecto como exemplo da rigorosidade coa que está a actuar o Goberno galego á hora de velar polo cumprimento da lexislación vixente. Un traballo no que foron analizados todos os aspectos sobre os que esta iniciativa pode ter incidencia polo que foron realizadas máis de 60 exixencias específicas. Tamén recordou que esta ría está constantemente monitorizada pola rede de estacións automáticas e unha estación costeira, á que súmase a propia de Augas de Galicia, o que dota á Xunta dunha gran capacidade de resposta ante calquera incidente nas masas de auga nesta importante zona produtiva.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
