O certame recoñecerá a creatividade e o compromiso de participantes de distintas idades no acto que terá lugar no Salón de Plenos ás 18:30 h
Burela, 20 de maio de 2025. Este venres 23 de maio ás 18:30 horas, o Salón de Plenos do Concello de Burela acollerá o acto de entrega dos premios do XI Concurso “21 de marzo: Día Internacional para a Eliminación da Discriminación Racial”. A convocatoria, impulsada pola área de Inmigración, Cooperación e Integración, mantense como un referente local no fomento da igualdade e da reflexión social a través da expresión artística.
O xurado, composto por representantes da área de Inmigración, Cultura, Igualdade e Atención a Inmigrantes, reuniuse o pasado 5 de maio para avaliar os traballos presentados nesta edición, que contou cun total de 25 participantes distribuídos en dúas categorías de idade: de 6 a 12 anos e de 18 anos en diante.
Nesta ocasión, os premios recoñeceron a calidade e a sensibilidade de catro traballos, destacando a creatividade de autores e autoras de diferentes idades e procedencias. Ademais dos primeiros e segundos premios en cada categoría, o xurado acordou por unanimidade conceder dous accésits adicionais, como mostra do alto nivel xeral das propostas recibidas.
Na categoría infantil, o 1º premio, cun lote valorado en 50 euros, vai para Yara Diouf Duarte, que concursou baixo o pseudónimo “Yadidu”. O 2º premio, cun lote de 30 euros, recae en Soelí Naína Capillo Gala, co pseudónimo “Iem CG”. O xurado concedeu tamén un accésit nesta categoría, con lote valorado en 25 euros, ao traballo de Leo Fraga Río, que asinou como “Burelao”.
Na categoría de adultos, o 1º premio, tamén cun lote valorado en 50 euros, foi para Shiva Eliska Alinda Nurhakim, baixo o pseudónimo “Natasha”. O 2º premio, cun lote de 30 euros, foi outorgado a José López Losada, que asinou como “XOLO”. Así mesmo, outorgouse un accésit nesta categoría a Estela Torres Narciso, autora do traballo presentado co pseudónimo “Stella”, que recibirá un lote valorado en 25 euros.
O concelleiro de Inmigración, Cooperación e Integración, Mario Pillado, salientou que esta iniciativa “é unha das nosas ferramentas máis valiosas para educar na diversidade desde idades temperás”. Engadiu que “cada traballo recibido é unha mostra de empatía, de compromiso e de esperanza nun futuro máis igualitario”, e aporveitou para agradecer “a todas as persoas participantes e ao equipo técnico que fai posible este certame ano tras ano”. Segundo o edil, “en tempos nos que a intolerancia volve gañar espazo, desde Burela seguimos apostando polo respecto e a convivencia”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
