O senador mariñán do PP advirte que “o Goberno de España asegura ter elaborado un plan para favorecer a inversión, facilitar liquidez e a actividade exportadora, pero non concreta nada para a factoría da Mariña”
A Mariña, 28 de maio de 2025. “O Goberno de Sánchez non se compromete a fortalecer nada á única fábrica de aluminio primario que queda en España na posible afectación dos aranceis de Trump”, segundo manifesta o senador mariñán, José Manuel Balseiro.
Os senadores do PP lucense dirixían formalmente unha pregunta ao Executivo de Sánchez para coñecer as actuacións previstas polo Goberno de España para protexer as exportacións deste tipo ante o anuncio do presidente dos Estados Unidos de impoñer aranceis do 25% ás importacións deste metal procedente da Unión Europea que puxo en alerta ao sector.
Balseiro advirte que “o Goberno de España asegura ter elaborado un plan para mitigar os impactos negativos favorecendo a inversión, facilitando liquidez e a actividade exportadora, pero non concreta nada para a factoría da Mariña”.
O popular lamenta que “o Goberno de Sánchez se limite a lamentar profundamente as medidas arancelarias. A pesar de recoñecer que terán un impacto negativo a ambos lados do Atlántico, Sánchez actúa como mero espectador ante unha situación que pode diminuír aínda máis a competitividade da factoría xa limitada pola falta de medidas do Goberno de Sánchez para, entre outros obxectivos, ofrecer un prezo enerxético estable e competitivo”, critica.
A planta de Alcoa é un dos motores económicos da provincia de Lugo e de Galicia e da emprego a máis de mil persoas de forma directa e indirecta. O aluminio é tamén un metal estratéxico para a nosa economía e chegou a considerarse a súa actividade como esencial durante a pandemia.
Ademais das aplicacións metalúrxicas propias do aproveitamento de alúmina e de aluminio, Alcoa tamén destina a súa produción a outro tipo de clientes para aplicacións tan variadas como a industria cerámica e química, incluída a purificación de augas ou aplicacións farmacéuticas.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
