Balseiro pregúntase “se lucenses e asturianos somos cidadáns de segunda” e reivindicou que “galegos e asturianos non queremos ser máis que ninguén, pero tampouco menos”
Madrid, 5 de maio de 2025. O Senado insta ao Goberno de España a crear a gran senda do Navia e integrala na rede estatal de Camiños Naturales sen votos en contra e coa abstención do PSOE, o que demostra que “non apoia” a creación desta senda peonil e cicloturista no entorno do río Navia.
É máis, durante o debate, o PSOE recoñeceu que “este proxecto non é prioritario para o Goberno de Sánchez” da man dun senador de Andalucía que tivo que defender a abstención do seu grupo en contra das demandas de alcaldes galegos e asturianos de distintos signo político.
Polo Grupo Popular, o senador lucense José Manuel Balseiro defendeu este luns na Comisión de Agricultura, Ganadería y Alimentación unha iniciativa para instar ao Ministerio de Agricultura, Pesca y Alimentación, concretamente, a que no marco do Programa Caminos Naturales ou mediante unha iniciativa específica recupere, financie e execute a gran senda do Navia declarándoa obra de interese xeral para o seu uso sendeirista e cicloturista.
Este proxecto interautonómico promovido dende a sociedade civil -colectivos como a Sociedad Amigos de Boal- e co apoio das Federacións de Montaña de Galicia y Asturias e a Fundación Parque Histórico del Navia para a creación dunha gran ruta que percorre 16 concellos (7 lucenses e 9 asturianos) de 4 comarcas da Montaña de Lugo e o suroccidente de Asturias no entorno do río Navia.
“Pídolles que atendan a demanda dos máximos representantes dos 16 Concellos”, subliñou. De feito, os 16 Concellos de distintas cores políticas, pero unidos por un ben para todos, veñen de estampar a firma dun convenio marco de actuación. “As administracións teñen que apoiar o proxecto. E o Ministerio se ten vontade, tamén podo facelo”.
A iniciativa xa lograra o apoio expreso da Deputación de Lugo, o Goberno de Asturias e tamén da Comisión de Agricultura, Pesca y Alimentación do Congreso dos Deputados que na sesión do 27 de abril de 2022. Pero, “os promotores seguen sen saber nada oficialmente”.
Balseiro preguntou “se lucenses e asturianos somos cidadáns de segunda” e “por que merecemos un trato diferente” á vista de que o Ministerio presume de financiar e executar a rede de Caminos Naturales de España que teñen os mesmos obxectivos que a Gran Senda do Navia, pero non ten entre as súas prioridades a execución deste proxecto como confirmou por escrito recentemente en resposta a unha pregunta dos senadores lucenses. “Esta negativa do Goberno de Sánchez é un erro que debe ser rectificado”, incidiu. “Galegos e asturianos non queremos ser máis que ninguén, pero tampouco menos”.
O senador popular tamén preguntou por que se desdín do acordo no Congreso por unanimidade e insistiu en que “querer é poder” e, polo tanto, é cuestión de “vontade”.
UN REVULSIVO PARA CATRO COMARCAS DE LUGO E ASTURIAS
Esta ambiciosa iniciativa que aproveitaría os camiños tradicionais existentes e recuperando outros en desuso converteríase nun “revulsivo” e un “sopro fresco” para o territorio; xa que permitiría “divulgar a riqueza paisaxística, patrimonial e cultural” e fomentar “a dinamización turística, recreativa, medioambiental creando emprego e riqueza que favoreza fixar e atraer poboación”. Ademais, permitiría conectar os tres Camiños de Santiago (Francés, Primitivo e do Norte) que son Patrimonio Mundial.
O proxecto foi presentado ao Goberno de España no 2018 e precisaría dun orzamento estimado de 4,2M€ para o seu desenvolvemento. Posteriormente, como ocorre co Camiño de Santiago, cada Concello debera ocuparse do seu mantemento.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
A programación presentouse na Delegación Territorial de Lugo, nun acto no que participaron o delegado territorial, Alfonso Villares; o alcalde, Francisco Balado; e representantes da entidade organizadora. Villares lembrou que a asociación recuperou o ano pasado a tradicional celebración do Corpus Christi na parroquia e destacou o seu labor impulsando actividades que fortalecen a convivencia. A xornada comezará ás 13:00 horas coa misa e a sesión vermú, continuará ás 15:00 co xantar popular e incluirá sorteos, animación musical, unha cea a base de petiscos e verbena.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
