Os interesados poderán apuntarse ata o 6 de xuño e, durante o período estival, haberá catro quendas
Viveiro, 29 de maio de 2025. O campamento de verán do Concello de Viveiro, enmarcado no Programa Corresponsables, desenvolverase en catro quendas entre o 30 de xuño e o 29 de agosto. O prazo de inscrición permanecerá aberto entre os días 30 de maio e o 6 de xuño e os interesados poderán apuntarse tanto a través da sede electrónica como, de xeito presencial, no Rexistro do Concello.
A iniciativa está dirixida a nenos e nenas nacidos entre 2009 e 2021. Terá lugar no pavillón do CEIP Lois Tobío, en horario de 8.30 a 14.30 horas, con entrada flexible ata as dez da mañá. Ofertaranse cen prazas e haberá catro quendas quincenais:
Do 30 de xuño ao 15 de xullo.
Do 16 de xullo ao 1 de agosto.
Do 4 ao 14 de agosto.
Do 18 ao 29 de agosto.
Os interesados poderán participar tanto durante os dous meses como nas quendas quincenais que estimen oportunas. As familias nas que os dous pais teñan relación laboral activa ou as persoas que estean a cargo dun menor terán prioridade para acceder ás prazas. En caso de que haxa máis solicitudes que prazas, realizarase un sorteo cuxa data será anunciada na web do Concello de Viveiro.
Novidades
Para mellorar o servizo, unha das novidades deste ano é a contratación doutro monitor que reforzará a atención ao grupo de menores con necesidades educativas especiais.
Ademais, tamén se porá en marcha unha bolsa de 60 horas de coidado profesional para menores ata 16 anos que precisen atencións de xeito puntual. Neste caso, terán preferencia as familias monoparentais, vítimas de violencia de xénero, mulleres en situación de desemprego de longa duración, mulleres maiores de 45 anos e unidades familiares con outras cargas relacionadas cos coidados.
Bono Concilia da Xunta
A Xunta de Galicia pon a disposición da veciñanza o Bono Concilia, co que axuda a financiar servizos de conciliación contratados para familias con nenos e nenas de ata 13 años durante os períodos de vacacións ou en momentos de necesidades puntuais. A través del, pódense contratar coidadores a domicilio, campamentos, ludotecas ou recursos deste tipo. O Concello de Viveiro e a OMIX están dispoñibles para axudar ás persoas interesadas a tramitar as solicitudes. O prazo para facelo ábrese habitualmente en setembro.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
