O Secretario Xeral do PSdeG na provincia, José Tomé Roca, destacou que “a nova sede servirá para escoitar á veciñanza e fortalecer o proxecto socialista de cara ás municipais de 2027
O Vicedo, 31 de Maio de 2025. O Secretario Xeral do PSdeG na provincia, José Tomé Roca, inaugurou hoxe a nova Casa do Pobo de O Vicedo, “un novo espazo que será un lugar de encontro para toda a veciñanza e que contribuirá a construír alternativas sólidas e comprometidas coa realidade local”, sinalou.
O líder provincial incidiu en que a apertura desta sede responde “á vocación socialista de impulsar espazos de encontro para construír proxectos apegados á cidadanía, unha tradición que se remonta a 1908, cando Pablo Iglesias inaugurou a primeira Casa do Pobo en Madrid”. Foi unha inauguración especialmente emotiva, con numerosos recordos e guiños aos inicios da agrupación local, fundada no ano 1983, e ás persoas que contribuíron a levantar o proxecto socialista no municipio.
Acompañaron a Tomé Roca neste acto o Secretario Xeral do PSdeG, José Ramón Gómez Besteiro, e a Secretaria de Organización do PSdeG, Lara Méndez; así como o Senador por Lugo, César Mogo; e a Subdelegada do Goberno en Lugo, María Isabel Rodríguez López.
Tomé Roca destacou que “a partir de hoxe ponse a disposición de todos os colectivos do Concello este novo espazo para escoitar as demandas da cidadanía e tamén para transmitir os logros e avances polos que traballa o Partido Socialista”. O líder provincial sinalou que “esta sede nace para darlle un novo impulso a O Vicedo” e subliñou que “a agrupación local está medrando, con máis forza, máis proximidade e máis capacidade de construír futuro”.
“A candidata ou candidato para as municipais de 2027 terédelo que escoller vós, desde a base”, afirmou, dirixíndose á militancia, á que animou a “seguir traballando con ilusión”. Garantiu que “contaredes co apoio da Deputación Provincial de Lugo, que está a investir nesta comarca e aposta pola súa recuperación tras 46 anos de goberno do PP”. E concluíu: “Estamos no bo camiño”.
José Ramón Gómez Besteiro puxo en valor a iniciativa da agrupación local e do partido na provincia, subliñando que “abrir unha Casa do Pobo é sempre un acto de compromiso co territorio, pero tamén un acto de ilusión e esperanza”. O líder do socialismo galego destacou que “este partido está máis vivo ca nunca, con moita canteira, moitas gañas e unha gran capacidade para unir á xente pensando no ben común”.
Besteiro animou á militancia a “seguir traballando con forza e ilusión. Dentro de dous anos revalidaremos a Deputación de Lugo, recuperaremos alcaldías clave como a de Viveiro e gobernaremos no Vicedo”. Subliñou que “o obxectivo é cambiar a vida da xente” e lembrou que “xa o estamos facendo co incremento do salario mínimo, o reforzo do sistema público de pensións ou as políticas en vivenda, dependencia e sanidade”. “Isto é o que nos move: facer política útil, centrada nas persoas e nos seus problemas reais”, afirmou.
Tamén valorou “a excelente ubicación da nova sede”, e animou a que “se converta nun espazo de encontro, de escoita activa e de activación política, onde se propoñan ideas e se constrúa, entre todas e todos, unha alternativa de futuro para O Vicedo”.
Durante o acto interviñeron o Secretario Xeral da agrupación local, Juan Carlos González; o Secretario de Organización, José Ramón García; a Concelleira Lucía Prieto; e o fundador da agrupación, Luis Lozano, que lembrou os inicios do PSdeG en O Vicedo no ano 1983.
Desde a agrupación socialista sinalan que “a veciñanza é o que nos move a traballar día a día, por iso queremos que este espazo sexa tamén a vosa casa, un lugar onde contar, propoñer e sumar”.
Pola súa banda, a Concelleira Lucía Prieto, engadiu que “este novo espazo nace co obxectivo de ser un punto de encontro aberto á cidadanía, un lugar onde escoitar, compartir ideas e construír entre todas e todos un Vicedo mellor. A Casa do Pobo representa o compromiso coa participación, coa proximidade e coa política feita desde abaixo, desde a xente”.
Á cita acudiron tamén a voceira socialista no municipio, Verónica Canoura; os Alcaldes de Trabada, Rubén García; de Ourol, José Luis Pajón; e de Vilalba, Marta Rouco; así como concelleiros socialistas da Mariña; representantes institucionais e orgánicos doutras agrupacións da comarca e da provincia; xunto con militantes, simpatizantes e veciñas e veciños da contorna.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
