Ribadeo, 26 de maio de 2025. A concelleira de Cultura, Begoña Sanjurjo, fai un balance positivo da XI Feira Ribadense do Libro Letras no Campo, que rematou onte.
A edil sinalou que “a valoración é moi satisfactoria. Gustaríame destacar a implicación de autores locais como Carlos Álvarez e Alberto Paraje e institucións como a Deputación de Lugo, que completaron diferentes facetas da historia de Ribadeo coas súas publicacións”.
Sanjurjo subliñou tamén “a participación de persoas e asociacións ribadenses con actividades diversas (Mini, Luis Pulpeiro, o Centro de Día, Amigos da Gaita e o Grupo de Teatro). E a promoción da lingua e do patrimonio inmaterial a través das distintas homenaxes ás cantareiras pasadas e presentes que implica un compromiso para co futuro”.
A concelleira de Cultura tivo palabras de agradecemento “para todas as persoas que fixeron posible esta feira, sobre todo ós libreiros e ó público que mercou libros nela. Grazas tamén á Xunta de Galicia pola súa colaboración coas Letras no Campo e comezamos desde agora a preparar a seguinte edición”.
O programa está dirixido a nenos e nenas de entre 3 e 12 anos. Desenvolverase de luns a venres nas instalacións do CEIP Manuel Fraga Iribarne entre o 1 de xullo e o 29 de agosto, todos os días en horario de 9:30 a 14:30 horas. Constará de varias actividades coas que os nenos e nenas poderán aprender mentres se divirten. Tamén se tentará, sempre que o tempo permítao, programar diversas saídas.
Con fotografías das fotoxornalistas Pepa Losada, María Mon Geada e Aida López. Terá lugar este venres 30 de Maio as 20,00 horas.
Un recoñecemento que certifica a calidade ambiental, a accesibilidade e o compromiso coa sustentabilidade dun dos principais recursos turísticos do concello. Esta Senda, que percorre boa parte do litoral naviego, volveu a ser distinguida polo programa Carreiros Azuis de ADEAC (Asociación de Educación Ambiental e do Consumidor).
O percorrido guiado por Ana Pena permitirá aos participantes conectar o camiño do Foxo co paseo litoral visitando os recunchos máis salientables como a curiosa "Tableta de Chocolate", os asentamentos castrexos, os obxectos atopados e a importancia que tivo e ten Cabo Burela. Unha boa oportunidade para coñecer o patrimonio de Burela que ademais estará en festas coincidindo ese día coa confección das alfombras florais. O paseo circular de 4,5 km comezará ás 11:00h. Todo aquel que esté interesado deberá anotarse no 654 99 68 57. A visita ten un custo de 10€ para os maiores e 5€ para os pequenos.
O Xebra! foi inaugurado en 2013 durante as festas patronais. Ano a ano, a axenda da asociación complementou cos seus concertos a programación dos días grandes da vila. Desta volta, o evento chega a unha cifra especial. Celebraranse os doce anos cun cartaz cunha pinchada colectiva das socias e os concertos do dúo punk Pladür e o DJ Signora Anido. A entrada do venres será de 2€ para socias e 3€ para non socias, mentres que a do sábado será de 8 e 10 euros, respectivamente. O local abrirá a partir das 22:30 horas.
