Ribadeo, 26 de maio de 2025. Entregados os vales de compra sorteados por Acisa e o Ribadeo FC nesta campaña de colaboración entre ambas as entidades. En xogo puxéronse 800 euros en vales de compra para consumir nos establecementos asociados ao colectivo empresarial.
Ana Fernández López, de Ribadeo, é a posuidora da papeleta número 988 e por tanto a gañadora do premio de 200 euros.
Mayra Fernanda, de Ribadeo, posuidora da papeleta número 1515 é a gañadora do premio de 150 euros.
Antonio Fernández, de Ribadeo, posuidor da papeleta número 515 é o gañador do premio de 50 euros, que foi recollido nas instalacións de Acisa pola súa irmá.
E Carmen Rivero, da Pontenova, é a posuidora da papeleta número 812, dotada dun premio de 50 euros.
O terceiro premio de 50 euros quedou deserto tras a celebración do primeiro sorteo e procedeuse a sortear na mañá deste luns, 26 de maio. O número afortunado é o 948. A persoa que teña no seu haber esta papeleta ten ata o 30 de maio para reclamar o seu premio nas instalacións de Acisa.
O pasado 11 de maio no estadio municipal Pepe Barreira, de Ribadeo, celebrouse o primeiro sorteo desta campaña. Foi á conclusión do partido que disputaron o Ribadeo FC e o Sofán. O 967 foi o número gañador de 300 euros en vales de compra, que recibiu alí mesmo ao afortunado.
Días azuis
Ata o 10 de xuño ten lugar unha nova edición da campaña Días Azuis do Comercio Galego, que organizan a Federación Galega de Comercio e a Consellería de Emprego, Comercio e Emigración da Xunta coa colaboración de Abanca e das asociacións de comerciantes e dos CCA, como é o caso de Acisa Ribadeo.
Durante estas semanas, os clientes que realicen compras en establecementos participantes poderán rexistrar os seus tickets en www.diasazuis.com/www.diasazuis.com/comercios, duplicando a súa participación llo comercio realiza o rexistro pola súa conta. Entre todos os participantes sortearanse 20.000 euros en premios, distribuídos en 44 tarxetas prepago de 250 euros cada unha (11 por provincia) e 60 tarxetas de 150 euros cada unha (15 por provincia).
Como principal novidade, no acto de entrega de premios, que terá lugar o 26 de xuño ás sete da tarde na Cidade da Cultura, en Santiago, realizarase un sorteo en directo dun gran premio final de 3.000 euros, que o gañador poderá gastar nunha única xornada de compras na localidade da súa elección.
Con esta campaña o comercio reforza o seu compromiso coa economía local, fomentando a fidelización dos clientes e dinamizando as compras nos negocios de proximidade.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
