Ribadeo, 6 de setembro, 2025. Os días 19, 20 e 21 e setembro de 2025 celebrarase no Salón de Alcaldes do Concello de Ribadeo a XX edición das Xornadas Mar por Medio, promovidas inicialmente polo hispanista británico John Rutherford e que organiza desde hai tres anos a Academia Xacobea, en colaboración co Concello de Ribadeo, a Secretaría Xeral da Lingua (Consellería de Cultura, Lingua e Xuventide, Xunta de Galicia) e a Universidade de Santiago de Compostela.
A edición deste ano estará dedicada ao tema “Ribadeo, encontro de Camiños” para poñer de manifesto non só a tradición xacobea da vila de Ribadeo, porta de entrada a Galicia do Camiño Norte, unha ruta histórica declarada Patrimonio da Humanidade, senón tamén como lugar de acollida, encontro e dinamización de actividades relacionadas cos valores do Camiño de Santiago.
As Xornadas comezarán o venres 19 de setembro ás 18 horas cun saúdo do alcalde de Ribadeo, Dani Vega, e do presidente da Academia xacobea, Marcelino Agís. Seguirá despois unha mesa redonda tituladas “Facendo Camiño”, na que participarán representantes da Xunta de Galicia, o Principado de Asturias, a Deputación de Lugo, as Universidades de Santiago de Compostela e Oviedo e o concello de Ribadeo.
O sábado 20 de setembro, a xornada contará pola mañá cunha mesa redonda, dedicada ao tema “Galicia e Asturias unidas polo Camiño” na que participarán profesores das Universidades de Oviedo e Santiago, e cunha conferencia de Manuel Valín, dedicada a glosar a historia destes 20 años das Xornadas Mar por Medio.
A tarde comezará cunha mesa redonda dedicada ao tema “A Peregrinación: Encontro de culturas. Os xubileo de Santiago, Roma e Xerusalén” e concluirá coa conferencia “O Camiño de Santiago como modelo de turismo rexenerativo”.
Ademais das actividades académicas destacan os actos musicais e lúdicos integrados no programa: O concerto de Manoele de Felisa, ao finalizar a sesión do venres; o da Coral de Ribadeo ao finalizar a tarde do sábado e o Roteiro Cultural “Tras os pasos da Orde Franciscana”, que comezará ás 10 da mañá do domingo.
A inscrición nas xornadas estará dispoñible na páxina web da Academia Xacobea entre os día 8 e 18 de setembro.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
