Antonio Ameijide explica que “que sigan a producirse reclamacións por responsabilidade patrimonial contra a Deputación de Lugo por mor dos accidentes producidos nas estradas provincias confirma que PSOE e BNG desatenderon durante 18 anos o mantemento da rede viaria provincial”
Lugo, 9 de maio de 2025. En tan só 4 días (do 7 ao 11 de abril) a Deputación de Lugo resolveu sete reclamacións de responsabilidade patrimonial por danos producidos en vehículos en diferentes estradas da rede viaria provincial, o que confirma as constantes denuncias realizadas polos deputados populares nos últimos anos: “a rede de estradas da Deputación é moi perigosa pola falta de mantemento á que a someteron durante os últimos 18 anos PSOE e BNG”.
O voceiro provincial popular, Antonio Ameijide, explica que estas reclamacións van dende rebentóns e picadas nas rodas ata danos nos propios vehículos por mor das “fochancas de grandes dimensións” existentes en toda a rede viaria provincial.
“Estamos ante unha evidencia máis da realidade que levamos moitos anos denunciando, que PSOE e BNG abandonaron por completo as estradas provinciais, o que derivou en que no que levamos de ano xa se produciron, polo menos, unhas 30 reclamacións ante a Deputación por danos sufridos en vehículos polas fochancas e as deficiencias da rede viaria provincial”, explicou.
Unha das reclamacións efectuadas ante a Deputación produciuse por mor dos danos a un vehículo na LU-P-2905 debido a unha fochanca de grandes dimensións. Polo mesmo motivo, na estrada LU-P-4401, un condutor sufriu danos na roda dianteira dereita, tras metela noutra gran fochanca.
Nas estradas LU-P-1106 e LU-P-1611 tamén se produciron danos a vehículos como consecuencia das fochancas existentes nas calzadas pola total falta de mantemento por parte de PSOE e BNG dende o goberno provincial.
Ademais dos danos nos vehículos, tamén se produciron rebentóns e picadas. Non dos casos, un condutor sufriu un rebentón na LU-3906 tras meter unha roda nunha fochanca, mentres que na estrada LU-P-1611 outro condutor sufriu unha picada na roda dianteira dereita tras entrar nunha fochanca.
Antonio Ameijide explica ademais que entre as reclamacións resoltas destaca unha que foi desestimada tres anos despois de producirse o sinistro xa que tivo lugar o 28 de setembro de 2022 na estrada LU-P-4102 ao sufrir danos nos baixos do vehículo. “Non debemos de ser nós os que valoremos se as reclamacións deben estimarse ou non, o que si dicimos é que tres anos non é prazo dilixente para resolver, hai que resolver as reclamacións moito antes”, afirmou.
Ante esta situación, o voceiro provincial popular explica que “non serven de nada os dous últimos plans anunciados por José Tomé” xa que “cómpre recordar que non se actuou na rede viaria provincial en 66 dos 67 concellos durante moitos anos” e que “os anuncios realizados ata agora só contemplan traballar no 9% dos 4.217 quilómetros das estradas da Deputación”.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
