Ameijide recorda que o BNG leva 26 e 18 anos amparando gobernos socialistas no Concello e na Deputación de Lugo, respectivamente, “e nunca aportan ningunha solución, senón que seguen a ser oposición a pesar de ter responsabilidades de goberno”
Lugo, 20 de maio de 2025. O voceiro provincial popular, Antonio Ameijide, esixe “seriedade e responsabilidade” a todos os representantes do BNG que hoxe “tentaron rirse unha vez máis de todos os veciños da provincia de Lugo” ao pedir publicamente que o Goberno do Estado “se puxese a traballar para mudar o illamento en materia de infraestruturas da provincia de Lugo”.
Antonio Ameijide recorda aos representantes do BNG que “son os cómplices necesarios” do PSOE, tanto a nivel municipal, provincial e no Estado, “para que a provincia de Lugo chegase ao nivel de illamento no que nos atopamos”.
Neste senso, o popular recorda que levan 26 anos amparando gobernos socialistas no Concello de Lugo, 18 anos na Deputación e 7 anos no Goberno do Estado. “En lugar de dar roldas de prensa reivindicativas teñen que ser reivindicativos en todas as administracións nas que teñen responsabilidades de goberno ou nas que asinan cheques en branco para manter a Pedro Sánchez na Moncloa o que, finalmente, nos condenan a todos os lucenses”, afirmou.
“Nunca son a solución, a pesar de que teñen responsabilidades de goberno dende hai anos”, explicou.
Antonio Ameijide recordou que Lugo segue a ser a única provincia de Galicia e da contorna sen alta velocidade ferroviaria, seguimos coas estradas sen ningún tipo de mantemento, sen esquecer que as autovías fundamentais (como a A-54 con Santiago, A-56 con Ourense, A-74 da Mariña ou a A-76 para unir Monforte con Ponferrada) seguen sen rematarse.
Insiste o voceiro popular que “ninguén no BNG está autorizado para esixir nada porque son corresponsables do illamento que sufrimos a todos os niveis”. “É indignante escoitar que pidan a ninguén que se poña as pilas despois de levar case 30 anos amparando todas e cada unha das decisións dos socialistas que levaron ao total illamento da provincia”, afirmou.
Neste senso, Ameijide sinala que tanto os actuais responsables municipais, provinciais e estatais, con Rubén Arroxo, Efrén Castro e Néstro Rego á fronte, son “absolutamente responsables da actual situación”, pero “non podemos esquecer que figuras do pasado, como Antón Bao, ex concelleiro e ex vicepresidente provincial, tamén teñen a súa responsabilidade porque nunca fixeron nada por mudar esta situación”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
