Ribadeo, 24 de xuño, 2025. A Agrupación Cultural Francisco Lanza vén desenvolvendo, desde Xaneiro de 2025, unha intensa actividade cultural. Ademais, de varias presentacións de libros, levamos a cabo novas actividades que pensamos que viñeron para se quedar connosco.
Promovemos (lembran) a figura do “apalpador” mostrando nas nosas principais rúas dúas representacións do mesmo. Puxemos en marcha un xantar de confraternización para render homenaxe á nosa poeta nacional, Rosalía de Castro, en torno ao seu coñecido poema no que evoca o caldo de gloria. Seguimos organizando conferencias (neste caso sobre a piratería ao corso en relación con Ribadeo). Volvemos saír de viaxe polas mariñas coruñesas (Sada e Betanzos) e pola Ribeira Sacra (Castro Caldelas, canón do Sil e Monforte). As nosas “Palabras na varanda” tiveron un comezo ben especial con actuación musical polas rúas de Ribadeo das Erikas e Peluxías.
“Agradecemos a colaboración de todas as persoas que se achegan a Ribadeo para dar a coñecer o seu traballo; agradecemos tamén aos nosos veciños e veciñas que senten que teñen algo que achegar á nosa cultura a súa disposición a colaborar connosco. Pero agradecemos especialmente o interese que toda a veciñanza de Ribadeo e das comarcas mariñá e eonaviega mostran asistindo aos nosos actos. Vós sodes a nosa razón de ser”.
RELATORIO DE ACTIVIDADES:
Edición almanaque 2025 (con imaxe do exvoto da Capela de Arante).
Presentación do libro “Entre a memoria e o esquecemento”, de Guiomar Acevedo López.
Presentación do libro “Entre a vontade e o destino”, de Xosé Henrique Costas.
Presentación do libro “Entre nós e o Eo”, de Beatriz Pin e Antón Cando.
Xantar de confraternidade. Celebración do Día de Rosalía.
Proxección do documental “Segadores da Órrea en terras de Castela. Unha historia de heroes”. Asociación de Amigos de Santa Comba da Órrea.
Viaxe a Sada e Betanzos.
Presentación do libro “A voltas co prato”, o libro que recolle as receitas do programa da TVG “A voltas co prato”.
Conferencia, a cargo de José María Leal Nóveda: A piratería ao corso en relación con Ribadeo.
Presentación do libro A voz do mosquito”, de Francisco García Novio.
Celebración do Día das Letras Galegas. Cantareiras cabo das “Palabras na varanda”. Con actuación musical das Erikas e Peluxías.
Campaña “Un caravel, un libro”. Día das Letras Galegas.
Presentación do libro “Maxicamente vella, eternamente nova. A literatura tradicional galega”, de Carlos Callón.
Animamos aos nosos socios e socias, e a toda a sociedade ribadense en xeral a ver nos cines ribadenses a película “Antes de nós”, dirixida por Ángeles Huerta e protagonizada por Xoán Fórneas e Cristina Iglesias, entre outros.
Presentación do libro “Cartas na escuridade”, de Lois Pérez.
En colaboración co colectivo VACAS FRACAS, proxectamos o documental “Se canto é porque quero”, producido pola Real Academia Galega, e no que participou a nosa veciña e amiga Alba López. Esta serie web documental está dedicada ás cantareiras, mulleres imprescindibles na transmisión da música e da poesía oral galega.
Viaxe á Ribeira Sacra (Castro Caldelas, viaxe en catamarán polos canóns do Sil e Monforte).
Presentación do libro “A fraga dos teixos. Relato dun naturalista tolo”, de Xosé Salvadores.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
