Esta intervención, forma parte dun contrato máis amplo, licitado por un investimento global de case 3,6M€, no que se inclúen tamén actuacións de mellora do firme na LU-530, ao seu paso polos concellos de Lugo e de Castroverde
Santiago de Compostela, 1 de xuño de 2025. A Conselleira de Vivenda e Planificación de Infraestruturas, a través da Axencia Galega de Infraestruturas, vén de iniciar as obras de reforzo do firme na estrada autonómica LU-113, no seu percorrido polos municipios de Cospeito e de Abadín.
Esta intervención, forma parte dun contrato máis amplo, licitado por un investimento global de preto de 3,6 M€, no que se inclúen tamén as obras de acondicionamento do firme na estrada LU-530, ao seu paso polos concellos de Lugo e de Castroverde.
De xeito máis concreto, as obras que se iniciaron hoxe pola LU-113, teñen como obxectivo actuar no acondicionamento do firme dun tramo de algo máis de 12,6 quilómetros de lonxitude, entre os puntos 10+000 e 20+180, no municipio de Cospeito; e desde o punto quilométrico 20+180 ao 22+780, xa no concello de Abadín.
No caso da estrada LU-530, as actuación proxectadas comprenden unha lonxitude total de 16,4 quilómetros. Deste xeito, actuarase no treito que vai desde o quilómetro 3+600 ao 12+640, no seu percorrido pola municipio de Lugo; e no treito que continúa desde o punto 12+640 ao 20, no concello de Castroverde.
En ambas estradas, as actuacións teñen como obxecto a rehabilitación localizada do firme mediante o fresado e a reposición da capa de rodaxe, coa finalidade de mellorar as condicións de circulación nos distintos treitos destas dúas vías autonómicas, completado as obras co repintado das marcas viarias.
As intervencións obxecto deste contrato non implican a realización de expropiación algunha, xa que todas están incluídas dentro da franxa de dominio público.
O departamento que dirixe M. Allegue continúa a traballar para manter as vías de titularidade da Xunta nas mellores condicións e para garantir a seguridade viaria aos usuarios, destinando este ano 68M€ á súa conservación.
Foi o pasado venres, 30 de maio, na Finca San Antonio coa presenza de Agustín (porteiro do Madrid nos anos 80) en representación do club branco. Tamén estiveron presentes as Peñas de Viveiro, Xove e Ribadeo. Non acudiu, como estaba previsto, Tomás Roncero por problemas de saúde. No acto xuntáronse unhas 90 persoas.
Ocorreu na rúa de Viladaide Praia Altar. O 112 Galicia tivo constancia do accidente a través do persoal de Urxencias Sanitarias de Galicia-061, pouco antes das 13 horas: dous vehículos acababan de colidir e unha persoa permanecía no interior dun eles, incapaz de abrir a porta. Os Bombeiros de Barreiros tiveron que empregar o seu material de excarceración para extraer á persoa en condicións de seguridade. No operativo participou tamén a Garda Civil de Tráfico.
A alcaldesa, Dolores García Caramés, foi testemuña do fantástico traballo do alumnado que se afana en elaborar fermosas manualidades con moita dedicación e ilusión. Un espazo de creatividade e convivencia na Casa do Mar grazas á colaboración tamén de Adaoemam A Mariña
A vítima sofrira feridas moi importantes nunha perna. Finaba a primeira hora deste sábado. Outras 5 persoas atropeladas no sinistro continúan en planta no hospital da Mariña.
Este xoves 29 de maio, A A.C. Francisco Lanza organizaou a presentación de “Cartas na escuridade”, de Lois Pérez. Da man de Teresa González Piñeiroa, e do propio autor, xs asistentes descubriron aos poucos pequenas claves da obra que recibiu o Premio Follas NOvas ao mellor libro xuvenil.
