Todas e todos os participantes na súa creación recibiron unha medalla polo seu traballo no acto de clausura, no que se anunciou que xa se está a comezar a preparar a II Semana da Infancia para 2026
Burela, 24 de xuño de 2025. O Concello de Burela estrea un novo mural na Casa da Xuventude, creado no obradoiro de pintural mural infantil celebrado no marco da Semana da Xuventude no municipio.
Adri Pardo coordinou á rapazada participante para que plasmase o deseño creado por Shiva Alinda, participante habitual nos certames convocados polo concello, e Yago Fernández Rubiños, membro do Grupo de Participación Adolescente (GPA) de Burela.
O obradoiro coincidiu coa clausura da Semana da Xuventude. Todas e todos os participantes recibiron unha medalla polo seu traballo no acto de clausura.
“Pareceunos moi boa idea premiar a participación, a creación e a iniciativa de parte da infancia e adolescencia e quixemos exemplificar así o noso agradecemento a tódalas persoas que fixeron posible esta I Semana da Infancia do Concello de Burela”, sinalou o concelleiro de Mocidade, Mario Pillado.
“Queremos darlle un agradecemento especial a Noelia Legazpi, educadora familiar, e a Jaime Méndez, técnico da Casa da Xuventude, os cales lideraron o proxecto”, indicou o edil. “Tamén ás monitoras da Aula Gaia que propuxeron a idea, ó técnico de deportes, ó persoal de obras e a case tódolos departamentos do concello que dunha ou doutra maneira contibuíron nesta semana”, enumerou.
“Finalmente, tamén ás persoas que lideraron actividades, obradoiros e conferencias pola súa dispoñibilidade”, apuntou Pillado, que avanzou tamén que dende o Concello xa comezaron a traballar na II Semana da Infancia do Concello de Burela.
Pola súa banda, a alcaldesa Carmela López afirmou que “ser Cidade Amiga da Infancia significa escoitar, coidar e traballar para que a infancia e a xuventude medren cunha boa calidade de vida e, sobre todo, que sexan felices en Burela”, en referencia ao recoñecemento outorgado ao municipio por parte de UNICEF.
“A infancia e a xuventude saben onde estamos, saben que poden contar con nós”, engadiu a rexedora. “Son quen usa os parques, os espazos públicos, quen mellor coñece o que funciona e o que se pode mellorar, e por iso queremos que formen parte activa deste proxecto”, concluíu.
A celebración da Semana da Infancia de Burela veu impulsada polo nomeamento do concello como Cidade Amiga da Infancia por parte de UNICEF no pasado 2024.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
