Co obxectivo de garantir a seguridade das persoas usuarias e preservar este espazo natural de referencia para a veciñanza
Viveiro, 12 de xuño de 2025. O Concello de Viveiro informa que nestes días están en marcha os traballos de reparación e mellora de elementos deteriorados no Paseo Fluvial do Río Landro, co obxectivo de garantir a seguridade das persoas usuarias e preservar este espazo natural de referencia para a veciñanza.
Estas actuacións enmárcanse nas medidas anunciadas polo Concello nas últimas semanas, tras constatarse un aumento do deterioro da pasarela de madeira tanto por desgaste como por actos vandálicos. Os traballos inclúen a substitución de táboas danadas, labores de mantemento xeral e revisión dos tramos máis sensibles da estrutura.
Desde o Concello faise un novo chamamento á colaboración cidadá e ao respecto polo patrimonio natural e urbano de Viveiro, lembrando que o coidado deste tipo de infraestruturas é unha responsabilidade compartida.
A alcaldesa Mariña Gueimunde destacou “a posta en marcha destas reparacións que eran urxentes e necesarias, e dende o Concello seguiremos traballando para manter o Paseo do Landro como un espazo seguro e accesible para todos e todas”.
Ademais, lembrou que se trata dunha senda peonil, e non se permite o acceso con vehículos de ningún tipo: “O uso inadecuado deste espazo está a provocar un deterioro acelerado da estrutura. Por iso, apelamos de novo á responsabilidade e ao civismo para coidar entre todos o noso patrimonio natural”, indicou Mariña Gueimunde.
O venres nos exteriores da Casa da Cultura nova visita da furgoneta de Galicia Sabe aMar que permitirá probar pinchos mariñeiros para resaltar as propiedades dos nosos peixes. Para rematar o domingo a I Marcha contra o cancro partindo desde a ponte vella e rematando no parque da Casa da Cultura. Inscricións durante toda esta semana na Casa da Cultura. Ademais, Os do 21 organizan o seu festival 'Lembranzas' o sábado ás 19:30h no seu local social.
Están organizadas pola Asociación de Festexos A Granda. Arrrancarán este venres, 18 de xullo ás 20 horas, cunha gran churrascada seguida de verbena con Oca Band e Conxuro Disco Móbil.
Está organizado en colaboración coa Federación Galega de Natación (FEGAN). Unha semana para aprender, mellorar e gozar deste deporte tan espectacular. Este sábado, de 10:00 a 12:00, celébrarase a exhibición final na piscina municipal, aberta ao público para ver o traballo realizado durante o campus.
A secretaria xeral Técnica, participou este mércores na Misa Solemne na honra da Virxe do Carme na Praza Conde de Fontao.
Na presentación do cartaz estiveron presentes os organizadores, membros da Asociación de Festexos A Medorra (Jordi Meitín, Julio Lamelas e Borja Cociña) acompañados da Primeira Tenente de Alcalde Mª Dolores Meitín. Ás 12 do mediodía dará comezo a festa co pregón a cargo de Basilio Otero, presidente da Federación Nacional de Cofradías de Pescadores. A xornada gastronómica estará amenizada por “Os Charangos de Neda” e polos cantos de taberna de “Espera que vou mexar”.
O Deputado de Promoción Económica e Social, Pablo Rivera, asistiu este mércores na Praza Conde de Fontao de Foz á misa cantada polo coro Mar Aberto na honra á Virxe do Carme, patroa dos mariñeiros. A cerimonia celebrouse no marco da programación das Festas do Carme que organiza este municipio mariñán do 11 ao 17 de xullo. A este acto, que continuou coa tradicional ofrenda floral e a procesión, tamén asistiu o Alcalde de Foz e Deputado Provincial, Francisco Cajoto, membros da corporación municipal e numerosos veciños e veciñas e visitantes.
Por unha banda, o artista uruguaio Daniel Drexler fai parada en Mondoñedo dentro da súa xira europea. Este venres desde as 21:30h. É a primeira vez que a Horta de Galiana recibe a un artista internacional. E xa o sábado, o mindoniense Jorge Santamarina fará as delicias dos asistentes cunha noite de tangos desde as 22h.
