O deputado Daniel Castro, o tenente alcalde Mario Pillado e a concelleira de Servizos Sociais e Igualdade Sandra Fernández presentaron hoxe en Burela as iniciativas parlamentarias ao respecto
Burela, venres 20 de xuño 2025. A Unidade de Atención Temperá da Mariña é un servizo comarcal con sede no Concello de Burela que o propio concello leva xestionando desde o ano 2006. Trátase dun recurso esencial para atender a crianzas de 0 a 6 anos con trastornos no desenvolvemento ou en risco de padecelos e tamén para acompañar e orientar ás súas familias. É un servizo recoñecido dentro da Rede Galega de Atención Temperá, pero que, na práctica, está sendo asumido polo Concello de Burela.
Un servizo cunha alta demanda en toda A Mariña e sen recursos humanos suficientes
Tal como manifestou Sandra Fernández, a Unidade de Atención Temperá atende actualmente a crianzas dos concellos de Ribadeo, Foz, Burela, Cervo, Xove, Viveiro, O Vicedo e O Valadouro, é dicir, a case toda a Mariña. O servizo atende unha media de 120 crianzas ao ano, agora mesmo está funcionando con 50 usuarios e usuarias activas e cunha lista de agarda de arredor de 40 nenos e nenas, o que dá conta da alta demanda e da falta de recursos humanos suficientes.
O problema máis grave que existe a día de hoxe é a imposibilidade de cubrir de maneira estable a praza de logopeda. Isto débese a que a profesional que a viña desempeñando rematou o seu contrato —feito a través dun programa de emprego temporal— e a normativa actual impide repetir ese tipo de contratación. A praza non figura na actual Relación de Postos de Traballo (RPT) do Concello, polo que non puido ser estabilizada, ao contrario que as prazas de pedagoga e psicóloga, que si están reguladas na estrutura municipal.
A solución que ofrece a Xunta: privatizar o servizo
Entre tanto o goberno municipal está tratando cubrir esa necesidade a través doutros medios, pero mentres iso non ocorre “a Consellería de Política Social a única solución que ofreceu foi a de contratar unha empresa privada para cubrir o servizo de logopeda, mentres non se resolva a convocatoria dun hipotético concurso-oposición” manifestou a titular da concellaría de Asuntos Sociais e Igualdade Sandra Fernandez, afirmando tamén que “esta proposta, ademais de desresponsabilizar á administración autonómica, traslada de novo a carga económica e de xestión aos concellos, neste caso ao de Burela”.
En términos semellantes pronunciouse tamén Mario Pillado: “estamos a falar dun servizo que impacta directamente no desenvolvemento vital das crianzas e no apoio ás súas familias. Por iso, non é aceptable que a única resposta da Xunta sexa a de privatizar ou buscarse a vida. Por esa razón o concello de Burela está a solicitar a corresponsabilidade e compromiso institucional, e que dunha vez por todas se aborde con seriedade a situación dos servizos sociais e da atención temperá na Mariña”.
O PP desmantela a sanidade pública na comarca e cárgalle competencias impropias aos concellos
Daniel Castro puxo énfase na situación de abandono da Mariña por parte do Partido Popular no ámbito sanitario, do que dan fé as contínuas mobilizacións da cidadanía en protesta polo desmantelamento da atención primaria e dos servizos hospitalarios, manifestando que “cando pensábamos que do Partido Popular xa viramos toda a súa desfachatez negando as evidencias da caótica situación da sanidade pública na Mariña, volven a sorprendernos cando desde a Consellería de Política Social proponen ao Concello de Burela que privatice un servizo, que para máis inri, é un servizo que tén que asumir a Xunta”, que recordou tamé que esta forma de proceder “forma parte das perversas prácticas do Partido Popular de cargar aos concellos con competencias impropias, co menoscabo económico que eso supón nas economías municipais”.
Ante esta situación Castro anunciou a presentación de diversas iniciativas para que a Xunta de Galiza asuma a xestion directa da Unidade de Atencion Temperá da Mariña en diálogo cos concellos afectados e coa maior das celeridades
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
