Viveiro, 30 de xuño, 2025.O BNG de Viveiro vén de rexistrar unha moción co obxectivo de garantir o acceso á vivenda habitual, apostando por unha ordenación urbanística que responda ás necesidades reais da veciñanza, cada vez con máis dificultades para atopar unha vivenda onde facer a súa vida.
Na moción, o BNG propón priorizar os alugueiros anuais, facilitando así que a xente poida vivir de maneira estable en Viveiro. Hoxe en día, atopar vivenda dispoñible para todo o ano é un reto, especialmente para a mocidade e para quen quere iniciar ou continuar un proxecto de vida no municipio. Segundo datos oficiais, Viveiro conta actualmente con 491 vivendas de uso turístico rexistradas, o que dificulta claramente o acceso a alugueiros de longa duración e provoca un incremento nos prezos.
“Queremos un Viveiro vivo e habitado. Para iso, temos que garantir que quen queira vivir aquí poida facelo, con prezos asumibles e opcións reais de alugueiro ou compra”, explicou a portavoz municipal, Míriam Bermúdez.
Entre as medidas propostas, ademais de modificar o planeamento urbanístico municipal para priorizar a vivenda habitual, inclúese a creación dunha ordenanza para preservar os baixos comerciais do núcleo urbano e garantir que manteñan o seu uso tradicional. O obxectivo é evitar a especulación nestes espazos e conservar a vida que xera o pequeno comercio.
Outro punto clave da moción é a demanda de integrar estas medidas no Plan Xeral de Ordenación Municipal (PXOM), co fin de garantir o seu cumprimento e asegurar unha ordenación urbanística pensada para o ben común.
A moción será debatida no vindeiro pleno municipal co fin de abrir un debate construtivo sobre o modelo de vila que Viveiro necesita. Para Míriam Bermúdez, a idea está clara:
“Queremos que Viveiro siga sendo un lugar no que se poida vivir, traballar e criar unha familia, sen ter que marchar por falta de vivenda.”
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
