Os populares tamén se preguntan se esta decisión responde a un pique entre o PSOE e Vilalba Aberta, que desenvolve na Praza de Santa María as actividades que programa dende as súas áreas de goberno
Vilalba, 13 de agosto de 2025. Os concelleiros do Partido Popular de Vilalba pídenlle ao goberno bipartito que “explique claramente aos vilalbeses se o seu plan para a rúa da Pravia é a peatonalización” á vista dos últimos cortes de tráfico levados a cabo na zona pola programación de actividades musicais nesa rúa.
“Hai dúas opcións: que a intención do bipartito, tarde ou cedo, sexa a peatonalización total da rúa da Pravia ou que esta decisión responda a un pique entre ambas partes do goberno municipal, PSOE e Vilalba Aberta”, que desenvolver na Praza de Santa María as actividades programadas polas áreas nas que goberna.
Os populares tamén condenan que “se pechara ao tráfico unha das principais arterias de comunicación de Vilalba por ofrecer actuacións musicais na propia rúa cando existen espazos públicos nos que desenvolver este e outro tipo de actividades”. De feito, “moi preto atópase a praza da Constitución, un espazo amplo que podían aproveitar”.
Dende o PP subliñan, ademais, que “cortar a rúa da Pravia á última hora da tarde das fins de semana ou festivos non parece a decisión máis acertada” tendo en conta que “é cando os vilalbeses volven á casa despois dunha xornada de praia ou doutras actividades fóra do casco urbano”. É máis, cren que “este goberno non coñece o pobo para o que está gobernando: nin os seus costumes, horarios ou necesidades en xeral”.
Os populares lembran que “primeiro fixeron unidireccional a rúa da Pravia sen avais técnicos sólidos, máis recentemente cambiaron o sentido desta vía e agora péchana ao tráfico en certas horas practicamente sen información e sen ningún tipo de periodicidade concreta. Se o caos circulatorio ten afectado á actividade económica da zona e á mobilidade de Vilalba, con estas decisións parecen insistir en que Vilalba perda aínda máis o seu dinamismo e actividade”.
ACTIVIDADES CULTURAIS
O Grupo Municipal do Partido Popular cre que “se o goberno municipal pretende que os vilalbeses participen nas actividades culturais, deberán programar os eventos en datas e horarios nos que os vilalbeses teñan disposición para asistir. Nas tardes das fins de semana e festivos de verán, os vilalbeses e vilalbesas teñen outras actividades”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
