Ribadeo, 12 de xuño, 2025. A XXX Feira da Ciencia comezou en Ribadeo cunha gran celebración e novidade pois grazas á proposta da Consellería de Educación tivo lugar o Encontro dos Centros Educativos da localidade e resultou ser todo un éxito. Xuntáronse, alumnado e profesorado do Centro Integrado de Formación profesional Porta da Auga, do Centro de Educación Infantil e Primaria Gregorio Sanz, do Centro Privado de Ensinanza Sagrado Corazón de Jesús e do anfitrión, o IES de Ribadeo Dionisio Gamallo cun único obxectivo: que o alumnado sexa o protagonista xa que poder compartir o aprendido e experimentado é parte importante da verdadeira aprendizaxe.
Á cita acudiron numerosas autoridades: o Director Xeral de Centros e Recursos Humanos, Jesús Manuel Álvarez Bértolo, a Xefa Territorial de educación, Dona Sagrario Sánchez e o Alcalde de Ribadeo, Daniel Vega. Actuaron como anfitrións o director do Centro, Modesto Refojo e a profesora de Bioloxía Susi Besteiro, organizadora das últimas Feiras da Ciencia e implicada dende a primeira xunto a Antonio Gregorio, precursor da idea.
Foi un día especial e será o primeiro de moitos Encontros Educativos Ribadenses. Puidéronse ver máis de 50 traballos. O CEIP Plurilingüe Gregorio Sanz presentou un Taboleiro Interactivo de Ribadeo, o Desafío Cansat, o Xardín de pensamentos de Rosalía e as Microrredes A Mariña. O CPR Plurilingüe Sagrado Corazón amosou Reciclar para axudar, o Doce código, Espazos verdes e Vida nas aulas. O CIFP Porta da Auga, onde naceu a Feira fai XXX anos, a partir da súa oferta educativa sorprendeu con interesantes proxectos. Pola súa banda, o IES de Ribadeo Dionisio Gamallo, presentou traballos variados: Cubo infinito de mulleres científicas galegas, maquetas caseiras da Cuna de Newton, do Parafuso de Arquímedes, e da Gaiola de Faraday, inventos tecnolóxicos coma o Soláforo e a Aula de Refrixeración, proxectos relacionados con enfermidades como Arterioesclerose, Osteoporose, Cancro e mitose, As cataratas do ollo e ata unha maqueta das Tesoiras Xenéticas Crisper Cas9 que están revolucionando a medicina e abren a porta a curar moitas enfermidades. Asimesmo, tamén estaban expostos os resultados do II Bioblitz do centro coa aparición da mariposa Vanessa cardui que fai unha migración de 15000km e numerosos Instrumentos e Cadros Musicais Caseiros feitos polo alumnado para conmemorar o Día do Medio Ambiente.
O IES de Ribadeo Dionisio Gamallo propuxo que este sexa o primeiro de moitos Encontros Educativos dos Centros Ribadenses e todo o profesorado participante amosou o seu acordo. Esto significa que en Ribadeo o alumnado non só merece a noraboa polo traballo feito senón que vai seguir sendo protagonista.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
