Esta iniciativa emprega técnicas pioneiras na cría do porco celta e tamén á hora de tratar os residuos, a través de procesos químicos, bacterias e tecnoloxía de primeiro nivel para xerar o mínimo impacto no entorno
Lugo, 30 de xuño de 2025. Os deputados do Grupo Provincial Popular visitaron a explotación de porco celta de Teixeiro, en O Incio, “un dos exemplos da dinamización que está a experimentar o rural galego que “é un dos motores da economía da provincia”.
Os deputados populares Antonio Ameijide, Héctor Corujo (tamén alcalde de O Incio), Luis Fernández e Jesús Núñez, coñeceron de primeira man, xunto ao titular da explotación Carlos Teijeiro, todos os segredos dunha explotación destas características, a de maior tamaño da provincia de Lugo de todas as asociadas a Asoporcel.
Unha das características máis importantes desta explotación é que o seu titular foi capaz de unir unhas 30 parcelas de diferentes titulares (afincados ata en tres continentes diferentes) para que os exemplares de porco celta poidan medrar ao aire libre beneficiándose dos froitos do campo galego, así como empregar técnicas pioneiras na cría do porco celta no tratamento dos residuos, a través de procesos químicos, bacterias e tecnoloxía de primeiro nivel para xerar o mínimo impacto no entorno.
“Sempre é un pracer descubrir iniciativas coma esta, que permiten afincar poboación no noso rural e que apostan por dinamizar municipios eminentemente rurais nos que, como queda demostrado, tamén se poden impulsar iniciativas empresariais e económicas xeradoras de riqueza”, afirmou Ameijide.
O voceiro provincial popular tamén quixo poñer en valor o apoio do goberno da Xunta ao fomento das razas autóctonas da nosa comunidade, como pode ser o caso desta explotación.
Pola súa banda, o deputado provincial e alcalde de O Incio, Héctor Corujo, tamén agradeceu aos impulsores desta iniciativa que “apostasen por un concello como O Incio, onde queremos medrar a través do asentamento de iniciativas empresariais, o mellor camiño para poder atraer poboación, dándolles as oportunidades que buscan para que poidan iniciar un proxecto de vida”.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
