Viveiro, 16 de xullo de 2025- A deputada de Cultura Iria Castro participou esta mañá na presentación do festival de música electrónica ETHER, que se celebra este sábado en Viveiro e que conta co patrocinio da Vicepresidencia da Deputación de Lugo, ademais doutras colaboracións públicas e privadas.
O parque Pernas Peón de Covas será o escenario natural deste festival no que se poderán escoitar nove artistas. A organización destaca nomes como Deetron Presents Soulmate, DJ Swisherman ou Elba. A programación completarase coa participación de Luxi Villar, Pergo, Isma B, Karras Martínez, Irene Castro e Muiños, representantes da escena galega e estatal.
Iria Castro celebrou “ver concretadas a ilusión e as expectativas que nos trasladaron desde a organizacion a comezos de ano, cando nos reunimos para establecer fórmulas de colaboración. Pola nosa parte, valoramos especialmente a participación de artistas galegxs. Parécenos importante que as artistas galegas teñan plataformas de proxección nun momento de auxe da música electrónica a nivel internacional” e destacou tamen “a singularidade do festival que diversifica e amplía a axenda de música en directo na Mariña e na provincia con esta aposta na música electrónica”.
Nesa liña, desde a organización, Karras Martínez, destacou que o festival ofrece “nunha localidade de 17.000 habitantes como Viveiro un programa que podería funcionar en calquera cidade europea”.
O evento inclúe tamén unha programación gratuíta, ETHER X HAPP!, o xoves 17 e o venres 18 de xullo, con actividades musicais, culturais e de sensibilización ambiental, que reforzan a pegada do festival na axenda cultural e lúdica de Viveiro e procuran un achegamento interxeneracional á musica electrónica.
A Vicepresidencia da Deputación achega 6.000 euros á organización do festival, que apoia por segundo ano, acompañando a consolidación e o salto organizativo do evento neste tempo.
O Deputado de Promoción Económica e Social, Pablo Rivera, asistiu este mércores na Praza Conde de Fontao de Foz á misa cantada polo coro Mar Aberto na honra á Virxe do Carme, patroa dos mariñeiros. A cerimonia celebrouse no marco da programación das Festas do Carme que organiza este municipio mariñán do 11 ao 17 de xullo. A este acto, que continuou coa tradicional ofrenda floral e a procesión, tamén asistiu o Alcalde de Foz e Deputado Provincial, Francisco Cajoto, membros da corporación municipal e numerosos veciños e veciñas e visitantes.
Por unha banda, o artista uruguaio Daniel Drexler fai parada en Mondoñedo dentro da súa xira europea. Este venres desde as 21:30h. É a primeira vez que a Horta de Galiana recibe a un artista internacional. E xa o sábado, o mindoniense Jorge Santamarina fará as delicias dos asistentes cunha noite de tangos desde as 22h.
A cita celebrarase do 19 ao 21 de setembro no polideportivo deste municipio e contará coa participación de reputados profesionais do mundo da tornería. A institución provincial colabora un ano máis con este evento realizando unha achega económica de preto de 10.000€ e a impresión de 600 exemplares dun libro que se realizou polo 25 aniversario desta cita.
A exposición poderá visitarse ata o 30 de Setembro.
A Deputada de Economía, Recadación, Facenda e Especial de Contas, Carmela López, participou na presentación da décimo terceira edición do Festival Aturuxo de Bravos, que tivo lugar na Sacabeira, en Sargadelos (Cervo), xunto á presidenta da Asociación Cultural Aturuxeiros, Carmen Rivera. O festival celebrarase os días 18 e 19 de xullo no concello de Ourol, coa colaboración da Deputación de Lugo, que achega 5.000 euros para apoiar a organización desta cita xa consolidada dentro do calendario cultural da Mariña. Nesta edición, o cartel inclúe concertos de Sonoro Maxín, Belém Tajes, Filophóbicas ou Zeltia Irevire, entre outros artistas.
O mércores, 16 de xullo ás 20:30h, na Casa da Cultura charla sobre os microbios nos alimentos co profesor Antonio Juárez. Xa o venres nos exteriores da Casa da Cultura nova visita da furgoneta de Galicia Sabe aMar que permitirá probar pinchos mariñeiros para resaltar as propiedades dos nosos peixes. Para rematar o domingo a I Marcha contra o cancro partindo desde a ponte vella e rematando no parque da Casa da Cultura. Inscricións durante toda esta semana na Casa da Cultura. Ademais de todo esto, Os do 21 organizan o seu festival 'Lembranzas' o sábado ás 19:30h no seu local social.
