A Xunta de Goberno deu luz verde a estes contratos nos que se inclúe a cobertura na área de formación básica e instrumental, en actividades e programas, e en servizos xerais para a promoción da autonomía persoal
Lugo, 24 de xullo de 2025. A Xunta de Goberno da Deputación de Lugo aprobou este xoves a licitación dos contratos para a prestación dos servizos básicos nos 9 Centros de Atención a Maiores que a institución provincial ten en funcionamento por un importe conxunto de case 7M€. Así o avanzou a Voceira Socialista do Goberno, Pilar García Porto, quen detallou que “a duración do contrato será dun ano prorrogable por outras tres anualidades máis”.
Nestes contratos inclúese a cobertura na área de formación básica e instrumental, en actividades e programas, e tamén en servizos xerais para a promoción da autonomía persoal e a atención aos usuarios e usuarias como alimentos, bebidas, produtos de hixiene, etc. Ademais, inclúense os custes derivados da contratación de persoal necesario para dar cobertura a este tipo de prestacións: persoal de limpeza, persoal de cociña e xerocultores e xerocultoras.
García Porto avanzou que son preto de 7M€ de orzamento que se licitan en contratos individuais para cada centro:
-688.974€ para o Residencial O Castro, en Castroverde.
-662.174,24€ para o Centro de Atención a Maiores da Fonsagrada.
-717.444€ para a residencia de Meira.
-707.194,80€ tanto para a o Centro de Navia de Suarna como para o de Pedrafita do Cebreiro.
-834.968€ para o de Pol.
-1.020.364,80€ para o de Ribadeo.
-692.428,36€ para o Centro de Ribas de Sil.
-888.264€€ para o de Trabada.
“Estas cifras dan conta do gran esforzo investidor que estamos a facer para manter os centros de atención a maiores que puxemos en marcha desde a institución provincial. Asegurando así os mellores coidados e as mellores condicións de vida e de benestar dos 293 usuarios e usuarias que atendemos nos nosos centros”, recalcou a voceira.
Reto demográfico e falta de prazas
García Porto resaltou que Galicia é a segunda comunidade autónoma máis envellecida de España, e que a provincia de Lugo ocupa o segundo posto entre as provincias galegas con maior porcentaxe de persoas maiores, por detrás de Ourense. “Uns datos que claramente demostran o reto demográfico ao que debemos facer fronte e que evidencian a necesidade urxente de contar con centros que garantan unha atención digna e de calidade para os nosos maiores”.
Neste sentido, a Voceira avanzou que Galicia “non só encabeza os rankings de envellecemento poboacional, senón que tamén é a cuarta comunidade de España cunha maior carencia de prazas en residencias de maiores. Hai un déficit de case 14.000 prazas para alcanzar o ratio recomendado pola Asociación de Directoras e Xerentes en Servizos Sociais, que establece un mínimo de 5 prazas por cada 100 persoas maiores de 65 anos”.
Centros residenciais de titularidade e xestión pública
Co fin de dar resposta a esta “preocupante situación, e ante o abandono que leva amosando a Xunta de Galicia con competencias neste eido” a Deputación de Lugo puxo en marcha unha rede de centros residenciais de titularidade e xestión pública. “Un modelo que sacamos adiante en solitario, sen ningún tipo de colaboración, nin económica nin en materia de xestión por parte da Xunta de Galicia, que como saben, é a Administración que por Lei, ten atribuídas as competencias en servizos sociais”.
A institución provincial ten nestes momentos 9 residencias abertas (Castroverde, A Fonsagrada, Meira, Navia de Suarna, Pol, Ribadeo, Ribas de Sil e Trabada) e “avanzamos a bo ritmo na construción dos centros de Becerreá, Guitiriz, A Pobra do Brollón e A Pontenova. E á vez, seguimos traballando nos proxectos dos centros que se abrirán en Portomarín, Ourol, Cervantes, Folgoso do Courel e Pantón”.
Modelo de atención integral centrado nas persoas
Un total de 18 Centros de Atención a Maiores centrados nas persoas, que garanten un acceso xusto e en igualdade de condicións. García Porto recalcou que “todos eles están situados en concellos de menos de 20.000 habitantes, favorecendo así a permanencia dos residentes no entorno máis próximo e evitando o desarraigo territorial e emocional.
De feito, o 85 % das persoas usuarias proceden do propio municipio no que se atopa o centro ou de concellos limítrofes, o que reforza os vínculos sociais e familiares”.
A Voceira do Goberno fixo referencia a que ademais de ofrecer atención aos usuarios e usuarias, tamén mantén uns 230 postos de traballo directos, “o 95% deles ocupados por mulleres, o que potencia directamente o emprego feminino. Ademais, xeran outros postos indirectos ligados a servizos auxiliares que demandan os propios centros.”
Os asistentes puideron escoitar nas últimas horas a Payton Pritchard, xogador dos Boston Celtics da NBA, que participou no campus a través dunha vídeo conferencia. O concelleiro de Deportes, Francisco José Silvent, comentou que “para nós é un orgullo que os rapaces que asisten a este campus teñan a posibilidade de escoitar a unha estrela da NBA. Non todos os días se contacta desde un campus dun concello como Ribadeo cun xogador deste calibre”. E engadiu: “sabemos que están gozando ao máximo desta experiencia”. O campus Sublime deu comezo o pasado domingo e rematará o 25 de xullo. Á cita asisten trinta rapaces.
As mostras, que se inaugurarán o vindeiro venres 25 de xullo ás 19:00 horas, permanecerán abertas ata o 18 de agosto, en horario de martes a sábado de 09:00 a 14:00 horas. “Lumen Tenebris”, de Eva Diamond, reúne por primeira vez unha ampla colección de obras dunha das referentes nacionais do lixeiro painting. “Aurum Obscurum”, de Patricia López Amorós, marca a primeira exposición individual desta artista naviega graduada en Belas Artes.
Da man do adegueiro de Meaño, o restaurante ofrecerá cinco viños seleccionados. A cata terá lugar o mércores 30 de xullo. As prazas son limitadas, teñen un custo de 28€ e é necesario reservar con antelación.
Poderá visitarse ata o vindeiro 29 de xullo con entrada libre no horario habitual. A mostra reúne retratos, paisaxes e esceas íntimas realizadas en acuarela, unha técnica que o autor leva décadas explorando cun estilo persoal, marcado pola sutileza, a emoción e a economía de medios. Médico e investigador en epidemioloxía ambiental, López-Abente desenvolveu a súa carreira no Instituto de Saúde Carlos III, en Madrid. A súa traxectoria artística, que foi medrando en paralelo á científica, ofrece unha ollada singular sobre o mundo que o rodea, entre a precisión e a intuición, entre a memoria e a beleza.
A alcaldesa, Dolores García Caramés, achegouse ata Lieiro para participar na limpeza e acondicionamento deste lugar emblemático, agradecendo o compromiso e implicación do tecido asociativo local, e destacando a importancia de traballar en conxunto para preservar o patrimonio común, xa que "accións coma esta permiten recuperar espazos singulares que forman parte da nosa identidade”.
O queixo Don Crisanto, elaborado baixo a Denominación de Orixe Protexida San Simón da Costa, foi distinguido como o mellor queixo madurado de vaca e recibiu tamén o premio especial ao mellor queixo de España entre as 135 mostras presentadas.
A tradicional procesión marítima é un dos momentos máis esperados e especiais destas festas. A cita foi amenizada polo Cuarteto Illa Pancha. Ducias de embarcacións acompañaron á Virxe do Carme, que se fixo á mar no barco do práctico, e surcaron as ondas da ría saíndo de Ribadeo e achegándose a Figueras e Castropol. Xa de volta, a Coral Polifónica de Ribadeo interpretou, entre outros temas, a Salve Mariñeira. Os actos contaron coa presenza do delegado territorial da Xunta en Lugo, do alcalde, de concelleiras e concelleiros da Corporación Municipal de Ribadeo, de representantes da confraría de pescadores, de Aduanas, do Galp A Mariña-Ortegal, de Acisa e da Policía Local, entre outros.
