Un factor moi importante da actual conxuntura política galega é a tendencia da cidadanía menor de 45 anos ao voto ao BNG e á simpatía cara o liderado a Ana Pontón, mentres que no abano entre 45 e 55 esta corrente tamén é moi significativa. Éste é un factor fulcral para entendermos a actual conxuntura, fronte á tendencia das novas xeracións do conxunto do Estado (agás Canarias e os países e territorios con lingua propia) na que agroma nidiamente o apoio a Vox e, algo menos, ao PP.
Semella que esta conxuntura galega ten a súa orixe das resultas dun proceso de acumulación no que se deron varios factores: achegamento da mensaxe electoral do soberanismo ás precupacións da cidadanía (vivenda, sanidade, emprego de calidade, servizos sociais, dependencia e terceira idade, igualdade), experiencias positivas de gobernos locais sostidas no tempo, mensaxe integrador a respecto das persoas que, sen ser soberanistas nin nacionalistas, teñen Galicia como referente da súa visión do mundo. Malia todo, o BNG vai precisar de continuar este seu proceso integrador para seguir a alargar a súa base social, dende unha perspectiva plural da Galicia como país dende un relato transversal da súa sociedade. Trátase de representar e mover á mellor e máis moderna Galicia, de se situar (como adoita dicir Anxo Quintana) no centro do electorado que poida facer posíbel a alternativa e de proxectar unha imaxe que chame á confianza cidadá.
Un alicerce esencial desta fiabilidade é unha xestión de goberno honrada e eficiente. A honestidade semella, a data de hoxe un valor seguro no BNG, alleo a toda caste de corrupción nos seus gobernos locais e na propia experiencia do goberno de coalición (2005-2009). Mais complexo é manter un alto grao de eficiencia en todos os gobernos locais, suxeitos a toda caste de restricións legais e orzamentarias que teñen a súa orixe na lei de gobernos locais que que quitou a maioría absoluta do PP no 2013. Porén, os gobernos locais nacionalistas teñen xa experiencia abonda para atender a unha xestión eficiente, coñecendo como coñecen que o seu electorado é o primeiro en sufrir as resultas dunha xestión deficiente.
Honradez e eficiencia son precisas mais non abondas. A xestión de goberno ha ser transformadora motor dun cambio social e político. E para garantir este carácter transformador os gobernos han estar moi achegados á realidade e ás distintas sensibilidades dunha sociedade plural. Velaí a necesidade de que o soberanismo democrático xestione dende o diálogo e alicerzado na participación cidadá, se quere ter bo suceso nos seus obxectivos de transformación.
Unha parte substancial do relato de país do soberanismo galego ha ser o grao de combinación entre un desenvolvemento económico autocentrado e susceptíbel de xerar máis benestar e calidade de vida e a súa sustentabilidade. E isto esixe unha clara asunción do principio de precaución ambiental, mais tamén dun ambientalismo compatíbel coas actividades agrogandeiras, pesqueiras e marisqueiras sostíbeis, enfrontando graves erros de certo ambientalismo globalista de nomeada presenza en Madrid e Bruxelas. Por outra banda, o galeguismo soberanista ha continuar ter claro que a transición enerxética non pode xustificar o sacrificio do noso territorio e que producirmos electricidade, con graves efectos ambientais, danos dereito a beneficiarmos economicamente desa produción.
E a perspectiva de goberno, canda a afirmación dos intereses do país, da nosa sociedade e do noso territorio, ha pensar nas persoas. É dicir, na garantía e ampliación dos dereitos das persoas e dos servizos públicos.
Non fica espazo para falarmos aquí do rol central da nosa lingua e cultura e da presenza galega no Estado e na Europa. Sen dúbida neste mesmo verán teremos ocasión abonda.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
