Viveiro, 25 de xullo, 2025. O BNG de Viveiro celebra este Día da Patria nun ambiente de entusiasmo, orgullo colectivo e confianza no futuro. Un encontro para reforzar os lazos da militancia e anunciar importantes novidades para o presente e o futuro do nacionalismo en Viveiro.
Desde o BNG de Viveiro, “reivindicamos este 25 de xullo como unha xornada para soñar con forza, para fortalecer o traballo colectivo e para seguir construíndo desde a localidade unha Galiza máis xusta, máis viva e máis libre, baixo o lema “Medrando desde Viveiro. Construíndo Galiza”.
Incorporación do novo concelleiro e renovación do Consello Local
A organización local da a coñecer que Seve Salgueiro se incorporará ao grupo municipal do BNG en canto o procedemento administrativo de substitución o permita, pasando así a formar parte do equipo que xa integran Iria Cotelo e Juan Ramón Martínez. Nesta nova etapa, o grupo municipal mantén a súa presenza institucional cun equipo cohesionado, con experiencia e cunha folla de ruta clara. Seve Salgueiro indica que “tomo a miña incorporación como concelleiro con ilusión e responsabilidade, coa experiencia de anos de militancia con traballo e compromiso”.
No mesmo acto presentouse tamén o novo Consello Local do BNG de Viveiro, formado por persoas con traxectorias diversas, pero cun obxectivo común: facer avanzar o proxecto nacionalista no ámbito local. A nova estrutura está encabezada por:
Iria Cotelo, como Responsable Local.
Seve Salgueiro, como Vicerresponsable Local.
Juan Ramón Martínez, como Secretario e Responsable de Finanzas.
Completa o equipo un grupo de persoas que colaboran activamente nas diferentes áreas:
Xosé L. Ramallal, en Formación,
Santi Chao, en Actividades e Eventos,
Alan Poirot, en Comunicación e Redes Sociais.
A nova responsable local fai fincapé en que “somos unha organización viva, alegre e unida, con presenza diversa e en crecemento. Unha mostra do bo momento que vive o BNG de Viveiro, cunha militancia implicada, en constante renovación, e que traballa desde xa co foco posto nas eleccións municipais de 2027”.
Os asistentes puideron escoitar nas últimas horas a Payton Pritchard, xogador dos Boston Celtics da NBA, que participou no campus a través dunha vídeo conferencia. O concelleiro de Deportes, Francisco José Silvent, comentou que “para nós é un orgullo que os rapaces que asisten a este campus teñan a posibilidade de escoitar a unha estrela da NBA. Non todos os días se contacta desde un campus dun concello como Ribadeo cun xogador deste calibre”. E engadiu: “sabemos que están gozando ao máximo desta experiencia”. O campus Sublime deu comezo o pasado domingo e rematará o 25 de xullo. Á cita asisten trinta rapaces.
As mostras, que se inaugurarán o vindeiro venres 25 de xullo ás 19:00 horas, permanecerán abertas ata o 18 de agosto, en horario de martes a sábado de 09:00 a 14:00 horas. “Lumen Tenebris”, de Eva Diamond, reúne por primeira vez unha ampla colección de obras dunha das referentes nacionais do lixeiro painting. “Aurum Obscurum”, de Patricia López Amorós, marca a primeira exposición individual desta artista naviega graduada en Belas Artes.
Da man do adegueiro de Meaño, o restaurante ofrecerá cinco viños seleccionados. A cata terá lugar o mércores 30 de xullo. As prazas son limitadas, teñen un custo de 28€ e é necesario reservar con antelación.
Poderá visitarse ata o vindeiro 29 de xullo con entrada libre no horario habitual. A mostra reúne retratos, paisaxes e esceas íntimas realizadas en acuarela, unha técnica que o autor leva décadas explorando cun estilo persoal, marcado pola sutileza, a emoción e a economía de medios. Médico e investigador en epidemioloxía ambiental, López-Abente desenvolveu a súa carreira no Instituto de Saúde Carlos III, en Madrid. A súa traxectoria artística, que foi medrando en paralelo á científica, ofrece unha ollada singular sobre o mundo que o rodea, entre a precisión e a intuición, entre a memoria e a beleza.
A alcaldesa, Dolores García Caramés, achegouse ata Lieiro para participar na limpeza e acondicionamento deste lugar emblemático, agradecendo o compromiso e implicación do tecido asociativo local, e destacando a importancia de traballar en conxunto para preservar o patrimonio común, xa que "accións coma esta permiten recuperar espazos singulares que forman parte da nosa identidade”.
O queixo Don Crisanto, elaborado baixo a Denominación de Orixe Protexida San Simón da Costa, foi distinguido como o mellor queixo madurado de vaca e recibiu tamén o premio especial ao mellor queixo de España entre as 135 mostras presentadas.
A tradicional procesión marítima é un dos momentos máis esperados e especiais destas festas. A cita foi amenizada polo Cuarteto Illa Pancha. Ducias de embarcacións acompañaron á Virxe do Carme, que se fixo á mar no barco do práctico, e surcaron as ondas da ría saíndo de Ribadeo e achegándose a Figueras e Castropol. Xa de volta, a Coral Polifónica de Ribadeo interpretou, entre outros temas, a Salve Mariñeira. Os actos contaron coa presenza do delegado territorial da Xunta en Lugo, do alcalde, de concelleiras e concelleiros da Corporación Municipal de Ribadeo, de representantes da confraría de pescadores, de Aduanas, do Galp A Mariña-Ortegal, de Acisa e da Policía Local, entre outros.
