Alfoz, 29 de xullo de 2025. O Concello de Alfoz vén de iniciar o expediente administrativo para que a Festa dos Chóferes sexa declarada Festa de Interese Turístico. A decisión coincide coa celebración da súa 59.ª edición, que terá lugar os días 1, 2 e 3 de agosto de 2025, e que o vindeiro ano cumprirá sus 60 anos de historia, consolidándose como un dos eventos máis emblemáticos da comarca da Mariña Lucense.
A alcaldesa e responsable de Turismo, Efigenia Maseda, subliña que “esta festa é moito máis ca unha celebración: é unha mostra da nosa identidade colectiva. Durante case 60 anos, veciños e veciñas de todas as parroquias uníronse para manter viva esta tradición que honra o traballo dos condutores e fortalece os lazos comunitarios”.
Neste sentido, Maseda engade que “desde o Concello consideramos que a Festa dos Chóferes merece o recoñecemento como Festa de Interese Turístico pola súa continuidade histórica, pola implicación social que implica e polo potencial que ten como atractivo cultural e turístico dentro de Galicia”.
A festa, organizada pola Asociación Cultural e Xuvenil O Castelo, rende honra ao patrón dos condutores e combina actos litúrxicos con animadas verbenas e unha espectacular procesión automobilística que percorre todas as parroquias do concello.
Programa previsto para 2025 (1, 2 e 3 de agosto)
Venres 1 de agosto: apertura da festa a partir das 23:00 h coa primeira verbena ofrecida pola discoteca móbil e orquestra Finisterre.
Sábado 2 de agosto: misa solemne ás 13:00 h, sesión vermú coa orquestra Magos e verbena nocturna cunha segunda orquestra (Metrópolis).
Domingo 3 de agosto: procesión de vehículos polas parroquias ás 11:00 h, misa solemne e bendición dos coches ás 13:00 h, seguidas da sesión vermú e verbena final a cargo do grupo Montreal.
Co expediente iniciado, o goberno local busca obter o recoñecemento oficial que permita un mellor apoio institucional e difusión turística, así como un maior engrandecemento da festa. Con preto de seis décadas de tradición, a Festa dos Chóferes convértese nunha cita imperdible tanto para os veciños como para visitantes de toda Galicia.
Orixe e tradición
Desde o seu nacemento na década dos anos sesenta, a procesión de coches como homenaxe aos condutores é o sinal de identidade da festa. Dende 1965, o evento reivindica a importancia dos automóbiles adornados e xunta centos de vehículos que desfilan en procesión e reciben a bendición final na igrexa de San Pedro de Mor.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
