Os populares tamén preguntarán na vindeira sesión plenaria sobre a distribución e o número de colectores do lixo dispoñibles no polígono industrial e se a empresa adxudicataria do servizo de recollida do lixo e limpeza viaria dispón de vestiarios femininos
Vilalba, 24 de xullo de 2025. Os concelleiros do Partido Popular de Vilalba instan ao goberno municipal bipartito de PSOE e Vilalba Aberta a “adoptar as medidas necesarias para garantir que a recollida de lixo nas parroquias do rural se leve a cabo coa frecuencia establecida no contrato vixente”.
Os populares advirten que “o actual contrato de recollida do lixo especifica que o servizo se realizará nas parroquias dúas días por semana”, pero “nos últimos meses detectáronse numerosas incidencias que poñen en dúbida o cumprimento desta frecuencia”.
Os veciños e veciñas teñen sufrido as consecuencias dos atrasos na recollida que, nalgúns casos, chegou a rexistrarse cunha frecuencia de máis dunha semana ou mesmo de dúas semanas. Así, dende o PP de Vilalba trasladan a súa preocupación ante o que consideran “non só unha mala imaxe das aldeas e unha fonda sensación de abandono institucional, senón tamén un posible problema de salubridade”.
Os populares cren que “os incumprimentos e atrasos evidencian que se require un control moito máis estrito” polo que esixen que “o responsable do contrato, unha persoa designada polo Concello, desenvolva as súas funcións e poña solución as incidencias prestando especial atención ás parroquias máis afectadas e asegurando unha resposta áxil ante calquera incidencia que se produza”.
PREGUNTAS
Os populares tamén preguntarán na vindeira sesión plenaria sobre a distribución e o número de colectores do lixo dispoñibles no polígono industrial. Dende o Partido Popular sinalan que o parque empresarial, como pulmón económico, “concentra un importante volume de actividade” e, como tal, xera un gran volume de residuos. Así, advirten que o número de colectores actual é “insuficiente” e queren saber se está previsto incrementar as unidades para mellorar a situación.
Así mesmo, interesaranse por coñecer se a empresa adxudicataria do servizo de recollida do lixo e limpeza viaria dispón de vestiarios femininos.
Os asistentes puideron escoitar nas últimas horas a Payton Pritchard, xogador dos Boston Celtics da NBA, que participou no campus a través dunha vídeo conferencia. O concelleiro de Deportes, Francisco José Silvent, comentou que “para nós é un orgullo que os rapaces que asisten a este campus teñan a posibilidade de escoitar a unha estrela da NBA. Non todos os días se contacta desde un campus dun concello como Ribadeo cun xogador deste calibre”. E engadiu: “sabemos que están gozando ao máximo desta experiencia”. O campus Sublime deu comezo o pasado domingo e rematará o 25 de xullo. Á cita asisten trinta rapaces.
As mostras, que se inaugurarán o vindeiro venres 25 de xullo ás 19:00 horas, permanecerán abertas ata o 18 de agosto, en horario de martes a sábado de 09:00 a 14:00 horas. “Lumen Tenebris”, de Eva Diamond, reúne por primeira vez unha ampla colección de obras dunha das referentes nacionais do lixeiro painting. “Aurum Obscurum”, de Patricia López Amorós, marca a primeira exposición individual desta artista naviega graduada en Belas Artes.
Da man do adegueiro de Meaño, o restaurante ofrecerá cinco viños seleccionados. A cata terá lugar o mércores 30 de xullo. As prazas son limitadas, teñen un custo de 28€ e é necesario reservar con antelación.
Poderá visitarse ata o vindeiro 29 de xullo con entrada libre no horario habitual. A mostra reúne retratos, paisaxes e esceas íntimas realizadas en acuarela, unha técnica que o autor leva décadas explorando cun estilo persoal, marcado pola sutileza, a emoción e a economía de medios. Médico e investigador en epidemioloxía ambiental, López-Abente desenvolveu a súa carreira no Instituto de Saúde Carlos III, en Madrid. A súa traxectoria artística, que foi medrando en paralelo á científica, ofrece unha ollada singular sobre o mundo que o rodea, entre a precisión e a intuición, entre a memoria e a beleza.
A alcaldesa, Dolores García Caramés, achegouse ata Lieiro para participar na limpeza e acondicionamento deste lugar emblemático, agradecendo o compromiso e implicación do tecido asociativo local, e destacando a importancia de traballar en conxunto para preservar o patrimonio común, xa que "accións coma esta permiten recuperar espazos singulares que forman parte da nosa identidade”.
O queixo Don Crisanto, elaborado baixo a Denominación de Orixe Protexida San Simón da Costa, foi distinguido como o mellor queixo madurado de vaca e recibiu tamén o premio especial ao mellor queixo de España entre as 135 mostras presentadas.
A tradicional procesión marítima é un dos momentos máis esperados e especiais destas festas. A cita foi amenizada polo Cuarteto Illa Pancha. Ducias de embarcacións acompañaron á Virxe do Carme, que se fixo á mar no barco do práctico, e surcaron as ondas da ría saíndo de Ribadeo e achegándose a Figueras e Castropol. Xa de volta, a Coral Polifónica de Ribadeo interpretou, entre outros temas, a Salve Mariñeira. Os actos contaron coa presenza do delegado territorial da Xunta en Lugo, do alcalde, de concelleiras e concelleiros da Corporación Municipal de Ribadeo, de representantes da confraría de pescadores, de Aduanas, do Galp A Mariña-Ortegal, de Acisa e da Policía Local, entre outros.
