Lugo, 16 de xullo de 2025. O PSdeG-PSOE na provincia de Lugo renovou esta semana os sete cargos de coordinación comarcal tras un proceso de encontros celebrados nas distintas áreas do territorio, nos que participaron as diferentes agrupacións locais.
Novos coordinadores e coordinadoras comarcais:
A MARIÑA – María Loureiro García
LEMOS – José Luis Losada Fernández
LUGO – Ana Mª González Abelleira
MONTAÑA – Teresa Fernández Pérez
SARRIA – Diego López López
SUROESTE – Rafael García Figueiras
TERRA CHÁ – Sonia Verdes Gil
A Vicesecretaria Xeral e Secretaria de Organización provincial, Pilar García Porto, destacou que “esta renovación fortalece a estrutura territorial do partido e achega máis cohesión ao traballo político que se desenvolve desde abaixo”. Porto subliñou que “cada comarca escolleu persoas comprometidas, con experiencia e coñecemento do seu entorno, preparadas para dinamizar a actividade das agrupacións locais e acompañalas no seu día a día”.
“A coordinación comarcal é unha peza clave para vertebrar o partido, facer seguimento da realidade municipal e servir de ponte entre a militancia e os órganos provinciais”, engadiu.
Para García Porto, este proceso confirma que o PSdeG-PSOE “é un partido vivo, participativo e pegado ao territorio”, e reforza a idea de que “a acción política efectiva constrúese desde a base, coa implicación da militancia e cun proxecto común de futuro para Lugo”.
Desde a dirección provincial destacan que esta nova estrutura facilitará a coordinación interna, a dinamización política e a presenza activa do PSdeG-PSOE en todo o territorio.
“As persoas escollidas representan o mellor do noso partido na provincia: coñecen o terreo, teñen traxectoria no partido e contan coa preparación e a motivación necesarias para liderar esta nova etapa e facer avanzar o proxecto socialista en Lugo”, concluíu García Porto.
O Deputado de Promoción Económica e Social, Pablo Rivera, asistiu este mércores na Praza Conde de Fontao de Foz á misa cantada polo coro Mar Aberto na honra á Virxe do Carme, patroa dos mariñeiros. A cerimonia celebrouse no marco da programación das Festas do Carme que organiza este municipio mariñán do 11 ao 17 de xullo. A este acto, que continuou coa tradicional ofrenda floral e a procesión, tamén asistiu o Alcalde de Foz e Deputado Provincial, Francisco Cajoto, membros da corporación municipal e numerosos veciños e veciñas e visitantes.
Na presentación do cartaz estiveron presentes os organizadores, membros da Asociación de Festexos A Medorra (Jordi Meitín, Julio Lamelas e Borja Cociña) acompañados da Primeira Tenente de Alcalde Mª Dolores Meitín. Ás 12 do mediodía dará comezo a festa co pregón a cargo de Basilio Otero, presidente da Federación Nacional de Cofradías de Pescadores. A xornada gastronómica estará amenizada por “Os Charangos de Neda” e polos cantos de taberna de “Espera que vou mexar”.
Por unha banda, o artista uruguaio Daniel Drexler fai parada en Mondoñedo dentro da súa xira europea. Este venres desde as 21:30h. É a primeira vez que a Horta de Galiana recibe a un artista internacional. E xa o sábado, o mindoniense Jorge Santamarina fará as delicias dos asistentes cunha noite de tangos desde as 22h.
A cita celebrarase do 19 ao 21 de setembro no polideportivo deste municipio e contará coa participación de reputados profesionais do mundo da tornería. A institución provincial colabora un ano máis con este evento realizando unha achega económica de preto de 10.000€ e a impresión de 600 exemplares dun libro que se realizou polo 25 aniversario desta cita.
A exposición poderá visitarse ata o 30 de Setembro.
A Deputada de Economía, Recadación, Facenda e Especial de Contas, Carmela López, participou na presentación da décimo terceira edición do Festival Aturuxo de Bravos, que tivo lugar na Sacabeira, en Sargadelos (Cervo), xunto á presidenta da Asociación Cultural Aturuxeiros, Carmen Rivera. O festival celebrarase os días 18 e 19 de xullo no concello de Ourol, coa colaboración da Deputación de Lugo, que achega 5.000 euros para apoiar a organización desta cita xa consolidada dentro do calendario cultural da Mariña. Nesta edición, o cartel inclúe concertos de Sonoro Maxín, Belém Tajes, Filophóbicas ou Zeltia Irevire, entre outros artistas.
O mércores, 16 de xullo ás 20:30h, na Casa da Cultura charla sobre os microbios nos alimentos co profesor Antonio Juárez. Xa o venres nos exteriores da Casa da Cultura nova visita da furgoneta de Galicia Sabe aMar que permitirá probar pinchos mariñeiros para resaltar as propiedades dos nosos peixes. Para rematar o domingo a I Marcha contra o cancro partindo desde a ponte vella e rematando no parque da Casa da Cultura. Inscricións durante toda esta semana na Casa da Cultura. Ademais de todo esto, Os do 21 organizan o seu festival 'Lembranzas' o sábado ás 19:30h no seu local social.
