Mondoñedo, 30 de xuño de 2025. O proxecto mindoniense “Artesanía do Pasatempo” vén de ser recoñecido co 1º Premio Red Eléctrica – España Creativa 2025, outorgado no marco do I Encontro Nacional de Emprendedores Creativos celebrado na Ribeira Sacra entre o 26 e o 29 de xuño.
Seleccionado entre unha ducia de iniciativas culturais e sociais de todo o Estado, o proxecto destacou polo seu enfoque de futuro, centrado na recuperación dos oficios tradicionais como motor de desenvolvemento territorial, cultural e económico.
Un centro cultural en marcha desde a práctica
A proposta premiada consiste na creación do Centro Cultural Artesanía do Pasatempo, un espazo en fase de proxecto que se localizará no barrio dos Muiños de Mondoñedo, e que aspira a converterse nun punto de referencia para a divulgación, aprendizaxe e práctica viva dos oficios artesáns. O centro albergará no futuro talleres formativos, residencias artísticas, actividades educativas e iniciativas de creación contemporánea ligadas á cerámica, forxa, gravado, fotografía ou xoiaría.
Actualmente, mentres se desenvolve o proceso de rehabilitación da nave principal, parte das actividades promotoras do proxecto están xa en funcionamento no Alfar Os Muiños, onde se producen pezas cerámicas, impártense cursos especializados e se fomenta a relación entre creación, territorio e comunidade.
Un recoñecemento á creatividade con raíces
O xurado destacou a combinación entre tradición e innovación, o valor pedagóxico da proposta e o seu compromiso co medio rural como espazo fértil para o emprendemento cultural.
A entrega do galardón tivo lugar o sábado 28 de xuño no Hotel Cardenal de Monforte de Lemos, durante a gala oficial do Encontro Nacional España Creativa, que contou co apoio da Xunta de Galicia, a Deputación de Lugo, o Ministerio de Cultura e diversos concellos e entidades do territorio da Ribeira Sacra. O premio foi entregado en man pola Tenente de Alcaldesa de Monforte, Gloria Prada.
Unha rede en construción
Detrás do proxecto atópanse os artesáns Maica Juncal Cabaleiro e Marcelo Scapinachis Viacava, que desenvolven o seu traballo de maneira individual e complementaria. Maica é responsable do taller Artesanía do Pasatempo, especializado en bixutería cerámica e aplicacións de Kintsugi, co que participa activamente en feiras e eventos. Marcelo, pola súa parte, dirixe o taller Esquina Atlántica, inscrito no Rexistro Oficial da Artesanía de Galicia co nº 79, en activo desde o ano 1991.
Ambos están actualmente impulsando a creación da cooperativa Esquina Atlántica Sociedade Cooperativa Galega, entidade coa que desenvolverán conxuntamente este centro cultural e outros proxectos de dinamización arredor da artesanía e a cultura do feito a man.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
